سفیرپاکستان کااتحاد ماڈرن آرٹ گیلری ابوظہبی کا دورہ۔
ابوظہبی(اردوویکلی)::متحدہ عرب امارات میں پاکستان کے سفیر فیصل نیاز ترمذی نے گزشتہ دنوں اتحاد ماڈرن آرٹ گیلری ابوظہبی کا دورہ کیا جہاں پاکستان کی معروف مصورہ ثریا سکندر اور ثنا حیات کے فن پارے بین الاقوامی مصوروں کے ساتھ نمائش کے لیے پیش کئے گئے ہیں۔سفیر فیصل نیاز ترمذی نے پاکستانی آرٹسٹوں کی تخلیقی صلاحیتوں کو سراہا اور کہا کہ اس قسم کی نمائشوں کے انعقاد سے پاکستان کی بھرپور ثقافت اور فنون کے ور ثہ کی عکاسی ہوتی ہے
انہوں نے اس بات پر زور دیا کہ فنون لطیفہ مختلف ثقافتوں کے درمیان افہام و تفہیم کو فروغ دینے اور پاکستان کا معتدل تشخص بیرون ملک اجاگر کرنے میں اہم کردار ادا کرتے ہیں۔ اس دورہ سے پاکستانی آرٹسٹوں کی سرپرستی اور پاکستان و متحدہ عرب امارات کے درمیان ثقافتی روابط کو مزید مضبوط بنانے کے لئے سفارتخا نہ کے عزم کی تجدیدہوئی ہے۔
