پی سی بی چئیرمین رمیز راجہ نے قومی اسمبلی کی قائمہ کمیٹی کے سامنے انکشاف کیا کہ بطور چیئرمین انہوں نے کوئی غیر ضروری مراعات نہیں لی۔
ایک نجی چینل کی رپورٹ کے مطابق پاکستان کرکٹ بورڈ کے چیئرمین رمیز راجہ کا کہنا ہے کہ بورڈ کے ٹاپ باس کے طور پر ان کی تنخواہ صفر ہے اور انہوں نے کوئی غیر ضروری مراعات نہیں لی ہیں۔
تفصیلات کے مطابق رمیز راجہ پی سی بی کے دیگر اعلیٰ حکام کے ساتھ، قومی اسمبلی کی قائمہ کمیٹی برائے کھیل کے سامنے پیش ہوئے، جہاں ان سے گزشتہ سال ملازمت سنبھالنے کے بعد سے اپنی تنخواہ اور اخراجات کے بارے میں پوچھا۔
رمیز راجہ نے قائمہ کمیٹی کو بتایا کہ میں نے بطور چیئرمین اب تک کوئی غیر ضروری مراعات نہیں لی ہیں۔ میں نے تفریحی الاؤنس نہیں لیا ہے اور ابھی تک اپنے سرکاری دوروں پر صرف ڈھائی لاکھ روپے خرچ کیے ہیں۔
سابق کپتان نے یہ بھی انکشاف کیا کہ انہوں نے یہ کام صرف پاکستان کرکٹ کی بہتری کے لیے کام کیا ہے۔
“میں یہاں کرکٹ کے فروغ کے لیے کام کرنے آیا ہوں۔ نہ تو میں اپنی اہلیہ کو کسی سرکاری دورے پر لے کر گیا اور نہ ہی اپنے کسی رشتہ دار کو فائدہ پہنچایا۔
Advertisement