اہم خبریںشوبز/کھیل

کشمیر پریمیئر لیگ سیزن 2؛ احمد شہزاد راولاکوٹ ہاکس کے کپتان مقرر

By admin
95
Print Friendly, PDF & Email

کشمیر پریمیئر لیگ سیزن 2؛ احمد شہزاد راولاکوٹ ہاکس کے کپتان مقرر

پاکستان کے اوپننگ بلے باز احمد شہزاد کو کشمیر پریمیئر لیگ (کے پی ایل) کے دوسرے ایڈیشن کے لیے راولاکوٹ ہاکس کا کپتان مقرر کردیا گیا ہے۔

اس تقرری کا اعلان راولا کوٹ ہاکس کے چیئرمین جان ولی شاہین نے کیا، جن کا کہنا تھا کہ نوجوان کرکٹرز کو احمد شہزاد کے وسیع تجربے سے سیکھنے کا موقع ملے گا۔

Advertisement

جان ولی شاہین نے کہا کہ احمد شہزاد نے نہ صرف گزشتہ سیزن کی کامیابی میں اہم کردار ادا کیا بلکہ ہمارے نوجوان کرکٹرز کو بھی ان سے بہت کچھ سیکھنے کا موقع ملا۔

Advertisement

اس موقع پر احمد شہزاد کا کہنا تھا کہ راولاکوٹ ہاکس ان کے دل کے بہت قریب ہے اور وہ اس سیزن میں بہترین کارکردگی دکھانے کی کوشش کریں گے۔

انہوں نے کہا کہ پچھلے سیزن میں ٹائٹل جیتنا میرے کیریئر کے یادگار لمحات میں سے ایک ہے اور انشااللہ اس سیزن میں بھی ٹائٹل کا دفاع کرنے کی بھرپور کوشش کریں گے۔

احمد شہزاد نے مزید کہا کہ میرا مقصد ٹیم کے نوجوانوں اور خاص طور پر کشمیری کرکٹرز کے ساتھ اپنا تجربہ شیئر کرنا اور انہیں زیادہ سے زیادہ مواقع فراہم کرنا ہے۔

دوسری جانب جمعرات سے دفاعی چیمپئن نے اپنے آبائی شہر راولاکوٹ میں بھرپور سرگرمیاں شروع کردی ہیں۔

Advertisement

راولاکوٹ ٹیم کے چیئرمین جان ولی شاہین کے ہمراہ کپتان احمد شہزاد، مینٹور یاسر حمید، آصف آفریدی اور سمین گل نے کے پی ایل ٹرافی کے ساتھ پورے شہر کا دورہ کیا۔

اس موقع پر شہریوں اور شائقین نے ان کا پرتپاک استقبال کیا جبکہ ٹرافی نے شاندار اور خوبصورت بنجوسہ جھیل سمیت شہر کے مختلف مقامات اور پریس کلب کا سفر طے کیا۔

واضح رہے کہ کشمیر پریمیئر لیگ کا انعقاد 13 سے 26 اگست کے دوران مظفر آباد میں کیا جائے گا جس میں سات ٹیمیں مدمقابل ہوں گی جن میں ہاکس، جانباز، میرپور رائلز، مظفرآباد ٹائیگرز، کوٹلی لائنز، اوورسیز واریئرز، اور باغ اسٹالینز شامل ہیں۔

Advertisement

شاید آپ یہ بھی پسند کریں مصنف سے زیادہ
جواب چھوڑیں

آپ کا ای میل ایڈریس شائع نہیں کیا جائے گا.

@media print { body { color: inherit; /* Ensures that the color is maintained */ } }