کھلاڑیوں کی جرسی کے نمبرز میں چھپے راز چانیے

By admin On ستمبر 29, 2022

آج ہم آپ کو بتائیں گے کھلاڑیوں کی جرسی پر لگے نمبرز اور ان میں چھپے راز کے بارے میں جن میں انتہائی دلچسپ معلومات چھپی ہیں۔

پاکستان میں ان دنوں کرکٹ کا جنون عروج پر ہے اور کیوں نہ ہو 17 سال بعد انگلینڈ کرٹ ٹیم پاکستان کا دورہ کررہی ہے، اس موقع پر کراچی اور لاہور میں میچز منعقد کیے گئے ہیں۔

شروع کے 4 میچز کراچی میں کھیلے گئے جس میں شائقین کا جنون عروج پر نظر آیا اور شائقین نے اپنی بھرپور شرکت سے میچ کو چار چاند لگادیے جب کہ لاہور میں ہوہنے والے پانچویں میچ میں بھی شائقین کا جنون دیدنی رہا۔

اب تک کھیلے گئے پانچوں میچز میں گراؤنڈ ہاس فل رہے اور شائقین نے قومی ٹیم کے ساتھ ساتھ مہمان ٹیم کو بھی خوب سپورٹ کیا۔

ان مواقع پر شائقین کی کھلاڑیوں کی ذات سے متعلق دلچسپی بھی بڑھ جاتی ہے، کھلاڑی چھکے لگائیں یا وکٹیں حاصل کریں شائقین ہمیشہ یاد رکھتے ہیں۔

ایسے مواقع پر شائقین کو ایک نمبر اور یاد رہتا ہے اور وہ ہے کھلاڑیوں کی جرسیوں کا نمبر جس کے پیچھے کئی راز چھپے ہیں، آئیے آج ہم آپ کو کھلاڑیوں کی جرسی کے پیچھے چھپے راز بتاتے ہیں۔

شاہد آفریدی

اس فہرست میں پہلا نمبر بوم بوم آفریدی کا ہے جن کی جرسی کا نمبر 10 تھا جس کے پیچھے چھپا راز لالہ کا مشہور فٹبالر میرا ڈونا سے لگاؤ تھا۔

جو کہ ارجنٹائن کے فٹبالر میرا ڈونا کی جرسی کا نمبر 10 تھا لہذا اس وجہ سے شاہد آفریدی نے بھی اپنی جرسی کا نمبر 10 منتخب کیا اور انہوں نے یہ نمبر خود منتخب کیا تھا نہ کہ پی سی بی نے انہیں دیا تھا۔

شعیب ملک

قومی ٹیم کے سینئر کھلاڑی شعیب ملک کی جرسی کا نمبر 18 ہے جو کہ انہیں شروع سے ملا لہذا انہوں نے بھی اسی نمبر کو جاری رکھا اور اب وہ اسی نمبر کو پسند کرتے ہیں۔

محمد حفیظ

سابق کپتان محمد حفیظ کی جرسی کا نمبر 8 تھا جو کہ ان سے پہلے انضمام الحق کا نمبر تھا لہذا ان کی ریٹائرمنٹ کے بعد محمد حفیظ نے ان کا نمبر لے لیا کیونکہ وہ اپنے پسندیدہ کھلاڑی کا نمبر لینا چاہتے تھے۔

بابر اعظم

قومی ٹیم کے آل فارمیٹ کپتان بابر اعظم 56 کی نمبر کی شرٹ پہنتے ہیں جب کہ اس سے قبل وہ 33 نمبر کی شرٹ پہنا کرتے تھے۔

بعد ازاں انہیں 56 نمبر کی شرٹ دے دی گئی لہذا انہوں نے اس ہی نمبر کو پسند کیا اور اب وہ اپنے نمبر کے حساب سے ہی اسکور کرنے کے خواہشمند ہیں۔

محمد رضوان

محمد رضوان 16 نمبر کی شرٹ پہنتے ہیں اور اس کے پیچھے اہم راز چھپا ہے۔ محمد رضوان کی پہلی اننگز 16 رنز کی رہی تھی جب کہ محمد رضوان اور ان کی اہلیہ کی تاریخ پیدائش میں بھی 6 کا ہندسہ موجود ہے۔

علاوہ ازیں محمد رضوان کی بیٹیوں کی پیدائش میں بھی 1 اور 6 کا ہندسہ موجود ہے جس کی وجہ سے وہ ہمیشہ 16 نمبر کی شرٹ پہننا پسند کرتے ہیں۔