بابر اعظم ورلڈ کپ میں کم بیک کرنے کے لیے پر امید

By admin On اکتوبر 23, 2022

قومی ٹیم کے کپتان بابر اعظم کا کہنا ہے کہ میں پر اعتماد ہوں کہ ہم ٹورنامنٹ میں کم بیک کریں گے۔

ٹی ٹوئنٹی ورلڈ کپ کے سپر 12 مرحلے میں بھارت سے شکست کے بعد قومی ٹیم کے کپتان بابر اعظم نے پریس کانفرنس کی ہے۔

بابر اعظم کا پریس کانفرنس کرتے ہوئے کہنا تھا کہ ویرات کوہلی نے پریشر کو اچھا ہینڈل کیا، ویرات کوہلی کی اننگز نے میچ میں کافی فرق ڈالا۔

انہوں نے کہا کہ غلطیوں سے سبق سیکھیں گے، پر اعتماد ہوں کہ ہم ٹورنامنٹ میں کم بیک کریں گے۔

ان کا کہنا تھا کہ قریب آکر میچ ہارتے ہیں تو دکھ ہوتا ہے، ہم وکٹیں لینا چاہ رہے تھے اس لئے مین بولر پہلے استعمال کیے۔

بابر اعظم کہتے ہیں کہ نواز نے بھی اچھی بولنگ کی لیکن نواز کے آخری اوور میں ایک نو بال اور وائیڈ ہوگیا۔

قومی ٹیم کے کپتان کا مزید کہنا تھا کہ شاہین آفریدی انجری کے بعد واپس آئیں ہیں لہذا ان کو تھوڑا وقت دیں، انڈیا نے میچ میں اچھی کرکٹ کھیلی۔

واضح رہے کہ ٹی ٹوئنٹی ورلڈ کپ کے سپر 12 مرحلے میں آج ہائی وولٹیج مقابلہ ہوا جس میں پاکستان اور بھارت کی ٹیمیں مدمقابل تھیں۔

اس میچ میں بھارت نے ٹاس جیت کر فیلڈنگ کا فیصلہ کیا، پاکستان نے پہلے بیٹنگ کرتے ہوئے مقررہ اوورز میں 8 وکٹوں کے نقصان پر 159 رنز اسکور کیے۔

بھارت نے مقررہ ہدف آخری گیند پر پورا کرکے 4 وکٹوں سے جیت اپنے نام کی جب کہ ویرات کوہلی 53 گیندوں پر 82 رنز اسکور کرکے میچ کے بہترین کھلاڑی قرار پائے۔