ٹی ٹوئنٹی ورلڈکپ کے گروپ 12 مرحلے کے انتہائی اہم میچ میں انگلینڈ نے سری لنکا کو شکست دے کر سیمی فائنل میں رسائی حاصل کرلی۔
آسٹریلیا کے شہر سڈنی میں کھیلے گئے انتہائی اہم میچ میں سری لنکا نے پہلے بیٹنگ کرتے ہوئے مقررہ 20 اوورز میں 141 رنز بنائے جس کے جواب میں انگلینڈ نے مطلوبہ ہدف دو گیندوں قبل 6 وکٹ کے نقصان پر حاصل کیا۔
آئی سی سی ٹی ٹوئنٹی ورلڈکپ کے گروپ ون سے نیوزی لینڈ، انگلینڈ اور آسٹریلیا کے 7،7 پوائنٹس ہیں تاہم انگلینڈ اور نیوزی لینڈ نے سیمی فائنل میں رسائی حاصل کرلی جب کہ آسٹریلیا رن ریٹ کے باعث ایونٹ سے باہر ہوگئی ہے۔
سری لنکا بیٹنگ
سری لنکا کے کپتان داسن شناکا نے ٹاس جیت کر پہلے بیٹنگ کرنے کا فیصلہ کیا اور مقررہ اوورز 8 وکٹوں کے نقصان پر 149 رنز بنائے۔
Advertisement
سری لنکا کی جانب سے پتھم نسانکا نے 45 گیندوں پر 67 رنز کی جارحانہ اننگز کھیلی تاہم ان کے علاوہ کوئی بلے باز خاطر خواہ کارکردگی دکھانے میں ناکام رہا۔
دیگر کھلاڑیوں میں کوشل مینڈس 18، دھننجایا ڈی سلوا 9، چارتھ اسالنکا 8 رنز بناکر نمایاں رہے۔
انگلینڈ کی جانب سے مارک ووڈ نے 3، عادل رشید، سیم کرن، بین اسٹوکس، کرس ووکس نے ایک ایک وکٹ حاصل کی۔
انگلینڈ بیٹنگ
ہدف کے تعاقب میں انگلش اوپنرز نے جارحانہ کھیل پیش کرتے ہوئے ٹیم کو 75 رنز کا آغاز فراہم کیا، ایلکس ہیلز 47 اور کپتان جوز بٹلر 28 رنز بناکر آؤٹ ہوئے۔
اوپنرز کے آؤٹ ہونے کے بعد انگلش ٹیم مشکلات کا شکار دکھائی دی۔ ہیری بروکس اور لیام لیونگ اسٹون 4، 4، اور سیم کرن 6 جب کہ معین علی ایک رنز بناکر آؤٹ ہوئے تاہم بین اسٹوکس وکٹ پر ڈٹے رہے اور ان کی 42 رنز کی ناقابل شکست اننگز کی بدولت انگلینڈ جیت حاصل کرنے میں کامیاب ہوا۔
Advertisement
سری لنکا کی جانب سے دھننجایا ڈی سلوا، وینندو ہسرنگا اور لاہیرو کمارا نے 2،2 وکٹیں حاصل کیں۔
Advertisement