ٹی ٹوئنٹی ورلڈ کپ کے سیمی فائنل میں کوالیفائی کرنے کے بعد پاکستانی ڈریسنگ روم میں مینٹور میتھیو ہیڈن نے ایک جذباتی تقریر کی۔
تفصیلات کے مطابق ہالینڈ کے خلاف جنوبی افریقہ کی 13 رنز کی اپ سیٹ شکست اور بنگلہ دیش کے خلاف پاکستان کی کامیابی نے گرین شرٹس کو سیمی فائنل تک پہنچا دیا۔
قومی کرکٹ ٹیم کے مینٹور میتھیو ہیڈن نے سیمی فائنل میں کوالیفائی کرنے کے بعد ڈریسنگ روم میں لہو گرما دینے والے تقریر کی۔
واضح رہے کہ ٹی ٹوئنٹی ورلڈ کپ کے سیمی فائنل میں پاکستان، بھارت، نیوزی لینڈ اور انگلینڈ پہنچ چکے ہیں۔
پاکستان کرکٹ بورڈ کی جانب سے سوشل میڈیا پر اپ لوڈ کی گئی ایک ویڈیو میں میتھیو ہیڈن ڈریسنگ روم میں کھلاڑیوں سے گفتگو میں مصروف نظر آ رہے ہیں۔
Advertisement
️ Encouraging words from 🇵🇰 team mentor Matthew Hayden following the win over Bangladesh that sealed our spot in the semi-finals #WeHaveWeWill | #T20WorldCup pic.twitter.com/OgolOwGfGs
— Pakistan Cricket (@TheRealPCB) November 6, 2022
میتھیو ہیڈن نے کھلاڑیوں کو کہا کہ ہم مخالف ٹیموں کے لیے خطرناک ہیں، آپ اس کو سمجھیں اور اس سے فائدہ اٹھائیں۔
ہیڈن نے کہا کہ پاکستان کرکٹ ارادے سے چلتی ہیں اور جب یہ ٹیم اپنے دانت دکھانے پر آتی ہے تو مخالف ٹیموں کے لیے حقیقی خطرہ بن جاتی ہے۔
Advertisement
قومی کرکٹ ٹیم کے مینٹور نے کہا کہ اس وقت مقابلے میں کوئی ایسا نہیں ہو گا جو ابھی ہمارا سامنے کرنا چاہے گا۔
میتھیو ہیڈن کی اس جذباتی تقریر کے دوران ڈریسنگ روم میں موجود تمام کھلاڑی بڑے انہماک سے ان کی باتیں سن رہے تھے۔
میتھیو ہیڈن نے مزید کہا کہ ہم سے چھٹکارا پانے کا خیال دل میں رکھنے والے جان لیں کہ ہم سے چھٹکارا ناممکن ہے۔
مینٹور کا کہنا تھا کہ پچھلے ورلڈ کپ میں ہم سے توقعات بہت زیادہ تھیں کیونکہ ہم نے گروپ میچز میں سب کو شکست دی تھی، لیکن اس مرتبہ حالات بدل چکے ہیں، یہ مت بھولنا کہ اگر یہ ڈچ نہ ہوتے تو ہم یہاں نہیں ہوتے۔
واضح رہے کہ پاکستان ٹی ٹوئنٹی ورلڈ کپ کے سیمی فائنل میں 9 نومبر کو سڈنی کرکٹ گراؤنڈ پر نیوزی لینڈ سے ٹکرائے گا۔
Advertisement