فیفا ورلڈکپ قطر: ابتدائی چار روز میں دوسری بڑی اپ سیٹ شکست

34
Print Friendly, PDF & Email

فیفا ورلڈکپ قطر  میں گزشتہ روز سعودی عرب کے ہاتھوں ارجنٹائن کی ذلت آمیز شکست کی بازگشت  ابھی تھمی بھی  نہیں تھی کہ ایک اور بڑا اپ سیٹ ہوگیا۔

تفصیلات کے مطابق جاپان نے اپنے پہلے میچ میں چار بار کی فاتح جرمنی کو شکست دے کر فیفا ورلڈ کپ قطر کا دوسرا شاندار اپ سیٹ اپنے نام کر لیا ۔

آج ہونے والے دوسرے میچ میں جاپان نے ورلڈکپ فیورٹس کی فہرست میں شامل مضبوط حریف جرمنی کو 1-2 سے شکست دی۔

جرمنی کے الکائے گنڈگان نے 33ویں منٹ میں پینلٹی اسٹروک پر گول اسکور کرکے ٹیم کو برتری دلوائی جو پہلے ہاف کے اختتام تک برقرار رہی۔

دوسرے ہاف کا کھیل شروع ہوا تو ابتدائی 20 منٹ تک جرمنی  کی برتری باقی رہی۔بعد ازاں جاپان نے صرف 8 منٹ میں 2 گول اسکور  کرکے برتری حاصل کرلی جو میچ کے اختتام تک برقرار رہی۔

Advertisement

جاپان کے رٹسو ڈوان 75ویں منٹ میں   جبکہ ٹکوما اسانو نے 83 ویں منٹ میں گول اسکور کرکے ٹیم کو فتح سے ہمکنار کروایا۔

واضح رہے کہ گزشتہ روز سعودی عرب نے ورلڈکپ کی فیورٹ لیونل میسی کی  ارجنٹینا   کو 1-2 سے شکست دی تھی جسے فٹبال شائقین اور ناقدین کی جانب سے فیفا ورلڈکپ کی تاریخ کا سب سے بڑا اپ سیٹ قرار دیا جارہا ہے۔

Advertisement

جواب چھوڑیں

آپ کا ای میل ایڈریس شائع نہیں کیا جائے گا.