ڈاکٹروں کی عالمی تنظیم ڈاکٹرز ود آؤٹ بارڈز نے غزہ میں فوری جنگ بندی کا مطالبہ کردیا۔
ایک بیان میں عالمی تنظیم نے کہا کہ شمالی غزہ کا علاقہ ملیامیٹ ہوچکا ہے، پورا غزہ اسرائیلی حملوں کی زد پر ہے۔
ڈاکٹرز ود آؤٹ بارڈز نے مزید کہا کہ غزہ میں جنگ بندی کےلیے عالمی رہنماؤں کا ردعمل کمزور اور سست ثابت ہو رہا ہے۔
ڈاکٹروں کی عالمی تنظیم نے یہ بھی کہا کہ اسپتال زخمیوں سے اور مردہ خانے لاشوں سے اٹے پڑے ہیں۔
عالمی تنظیم کا کہنا ہے کہ غزہ میں زخمیوں کے اعضاء کی سرجری بغیر بے ہوش یا سُن کیے کی جارہی ہے۔