غزہ میں سات روزہ جنگ بندی کے بعد اسرائیل کے پھر حملے جاری ہیں، بم باری میں تین صحافیوں سمیت 184 فلسطینی شہید اور 600 سے زائد زخمی ہوگئے۔
اسرائیلی فوج نے کہا ہے کہ جنگ بندی کے خاتمے کے بعد 200 سے زائد اہداف کو نشانہ بنایا گیا ہے۔
اسرائیل نے لبنانی سرحد پر بھی حملہ کرتے ہوئے 3 لبنانی شہریوں کو شہید کردیا جبکہ جنگ بندی کے خاتمے کے بعد اسرائیل نے رفاہ سے فلسطینیوں کی امداد بھی بند کردی ہے۔
دوسری جانب حماس نے بھی اسرائیلی شہروں پر درجنوں جوابی راکٹ حملے کئے ہیں۔ حزب اللّٰہ نے ایک گھنٹے میں اسرائیل پر 5 حملے کئے۔
رپورٹس کے مطابق حماس نے اپنی قید میں موجود 6 یرغمالیوں کی ہلاکت کی بھی تصدیق کی ہے۔