پاکستان ایسوسی ایشن دبئی میں پاکستانی آموں کی نمائش کااہتمام

13
Print Friendly, PDF & Email

پاکستان ایسوسی ایشن دبئی میں پاکستان مینگو فیسٹیول کا اہتمام

سفارت کاروں، پاکستانی کمیونٹی اور دیگرمہمانوں کی بڑی تعداد میں شرکت

شرکا کو مینگو(آم) سے تیارکردہ 20 سے زائد ڈشز پیش کی گئیں

وزیر ثقافت سیاحت نوادرات آرکائیوزسندھ

سید ذوالفقارعلی شاہ کی جانب سے یادگاری شیلڈزپیش کی گئیں

دبئی۔(اردوویکلی):: پاکستان بزنس کونسل اور قونصلیٹ جنرل آف پاکستان دبئی کے اشتراک سے پاکستان ایسوسی ایشن دبئی میں پاکستانی آموں کی نمائش کااہتمام کیاگیا تقریب میں سفارت کاروں،پاکستانی کمیونٹی کے سرکردہ افراد اور سرکاری افسران سمیت مہمانوں کی بڑی تعداد نے شرکت کی۔ مینگوفیسٹیول تقریب کا افتتاح پاکستان کے سفیر فیصل نیاز ترمذی اور قونصل جنرل آف پاکستان حسین محمد نے کیا۔
تقریب کا آغاز تلاوت قرآن پاک سے ہوا جس کے  بعد پاکستان کاقومی ترانہ بجایا گیا۔ سفیرپاکستان فیصل نیاز ترمذی نے اس موقع پر خطاب کرتے ہوئے کہا کہ اس تقریب کا سال بھر بڑی بیتابی سے انتظار کیا جاتا ہے ۔ سٹرس کی طرح آم وادی سندھ جس کا پاکستان حصہ ہے،کی خاص مقامی پیداوار ہیں ۔ میلے کے شرکاء کا شکریہ ادا کرتے ہوئے سفیرپاکستان نے کہا کہ اتنی بڑی تعداد میں لوگوں کی مینگوفیسٹیول میں شرکت اس بات کا واضح ثبوت ہے کہ اس خاص پھل کا گرمیوں میں بے صبری سے انتظار کیا جاتا ہے۔
قونصل جنرل حسین محمد نے اپنے خطاب میں کہا کہ پاکستانی آم ہماری ثقافت اور ورثے سے گہرے طور پر جڑے ہوئے ہیں اور ہماری مہمان نوازی اور روایات کی علامت ہیں۔
پیڈ میں منعقد ہونے والے مینگو فیسٹیول میں مینگو سے تیار شدہ 20 سے زائد ڈشز شرکاء کو پیش کی گئیں 60 سے زائد اموں کی اقسام کو بڑی خوبصورتی سے سجایا گیا تھا شرکاء نے پاکستانی ڈیشز کو بے حد پسند کیا اور ذائقہ کو سراہا۔
تقریب کا اختتام سندھ کے وزیر ثقافت سیاحت نوادرات آرکائیوز سید ذوالفقار علی شاہ کی جانب سے معززمہمانوں اورمنتظمین کو یادگاری شیلڈز پیش کرنے کے ساتھ ہوا۔
جواب چھوڑیں

آپ کا ای میل ایڈریس شائع نہیں کیا جائے گا.