سعودی اولمپک کمیٹی اور پیرا اولمپک کمیٹی کے صدر شہزادہ عبدالعزیز نے کہا ہے کہ عالمی جنگی کھیل (کومبیٹ گیمز) 2023 کی میزبانی سعودی عرب کرے گا۔
سعودی اولمپک اور پیرا اولمپک کمیٹی کے صدر شہزادہ عبدالعزیز بن ترکی الفیصل اور عالمی کھیلوں کی عالمی تنظیم کے صدر ایوو فیریانی کے درمیان اتوار کو ایک باضابطہ معاہدے پر دستخط ہونے کے بعد ریاض کو 2023 کے عالمی جنگی کھیلوں کی میزبانی کی تصدیق کر دی گئی ہے۔
سعودی عرب میں ایونٹ کے انعقاد کی خبریں سب سے پہلے گزشتہ مئی میں پھیلی تھیں اور اب اس اعلان نے ایونٹ پراپنی مہر ثبت کر دی ہے۔
شہزادہ عبدالعزیز نے انکشاف کیا کہ یہ ٹورنامنٹ سعودی ویژن 2030 کے بینر تلے منعقد ہونے والے بین الاقوامی کھیلوں کے مقابلوں کی بڑھتی ہوئی سیریز میں تازہ ترین ہوگا، جو مملکت بھر میں صحت مند اور زیادہ فعال طرز زندگی کو فروغ دے گا۔
انہوں نے مزید کہا کہ سعودی عرب کے پاس پہلے سے ہی اس ایونٹ کو منعقد کرنے کا بنیادی ڈھانچہ موجود ہے جس میں 15 مارشل آرٹس گیمز شامل ہوں گے۔
انہوں نے مزید کہا کہ “ہم سب ان گیمز میں اتنے سارے عالمی چیمپئنز کی میزبانی کرنے پر بہت خوش ہیں۔”
واضح رہے کہ یہ پہلا موقع ہے کہ کومبیٹ گیمز کی میزبانی سعودی عرب کو دی گئی ہے۔