پاکستان کرکٹ ٹیم کے کپتان بابر اعظم کا کہنا ہے کہ کاؤنٹی چیمپیئن شپ میں شان مسعود کی شاندار کارکردگی پر ان کی نظر ہے، اور وہ سمجھتے ہیں کہ شان مسعود کا نیچے آرڈر پر بیٹنگ کرنا ان کے ساتھ ناانصافی ہوگی۔
تفصیلات کے مطابق شان مسعود، جو اس وقت اپنے سابق پاکستانی کوچ مکی آرتھر کی قیادت میں ٹی ٹوئنٹی بلاسٹ میں ڈربی شائر سی سی سی کی قیادت کر رہے ہیں، اب تک دونوں فارمیٹس میں بلے بازی کے ساتھ شاندار فارم میں ہیں۔
وہ کاؤنٹی چیمپئین شپ میں دوسرے سب سے زیادہ رنز بنانے والے کھلاڑی ہیں اور دو بیک ٹو بیک ڈبل سنچریاں بنانے والے پہلے پاکستانی بن گئے ہیں۔
2021 کے اوائل میں دورہ نیوزی لینڈ کے بعد ڈراپ ہونے کے بعد انہیں آسٹریلیا کی سیریز کے لیے ٹیسٹ اسکواڈ میں واپس بلا لیا گیا تھا۔
گزشتہ ہفتے کرکٹ پاکستان کے ساتھ ایک خصوصی انٹرویو میں چیف سلیکٹر محمد وسیم نے انکشاف کیا تھا کہ شان مسعود ٹیسٹ کرکٹ کے لیے منتخب ہونے کے قریب ہیں۔
Advertisement
بائیں ہاتھ کے کھلاڑی پاکستان سپر لیگ میں ملتان سلطانز کا لازمی حصہ رہے ہیں جہاں انہوں نے محمد رضوان کے ساتھ مل کر بیٹنگ کا آغاز کرتے ہوئے ٹاپ پر رنز بنائے ہیں۔
ٹیم سے متعلق گفتگو کرتے ہوئے بابر اعظم نے کہا کہ ایک ٹیم ہونے کے ناطے ہماری توجہ سیریز پر ہے ہماری تیاریاں جاری ہیں اور ہم جدید دور کی کرکٹ کھیلنا جاری رکھیں گے۔
بابر اعظم نے مزید کہا کہ ون ڈے کھیلتے ہوئے ہمارے ذہن میں اگلے سال کا ورلڈ کپ ہے، ہم نے آسٹریلیا کے خلاف سیریز بھی اسی پلاننگ کے ساتھ کھیلی۔