ایک امریکی فوجی طیارہ جس میں پانچ میرین (بحریہ) اہلکار سوار تھے، آج جنوبی کیلیفورنیا میں گر کر تباہ ہو گیا۔ حادثے میں چار اہلکاروں کے ہلاک ہونے کی اطلاعات ہیں۔
فرانسیسی خبر رساں ایجنسی اے ایف پی کے مطابق طیارہ میکسیکو کی سرحد سے صرف 20 میل (35 کلومیٹر) کے فاصلے پر گلیمس کے قریب گرا۔ امریکی فوجی حکام نے ان خبروں کی تردید کی ہے کہ جہاز میں جوہری مواد موجود تھا۔
An aircraft belonging to @3rdmaw has crashed near Glamis, CA. Military and civilian first responders are on site.
Contrary to social media rumors, there was no nuclear material on board the aircraft. More information will be made available as we receive it.
— U.S. Marines (@USMC) June 8, 2022
Advertisement
اے ایف پی نے ایک ترجمان کے حوالے سے بتایا ہے کہ وہ اس بات کی تصدیق کر سکتے ہیں کہ تھرڈ میرین ایئر کرافٹ ونگ کا ایک طیارہ گلیمس کے قریب گر کر تباہ ہوا جس میں بحریہ کے پانچ فوجی سوار تھے۔ انہوں نے کہا کہ سوشل میڈیا پر پھیلائی گئی افواہوں کے برعکس طیارے میں کوئی جوہری مواد موجود نہیں تھا۔
طیارے کی شناخت ایم وی 22 بی اوسپرے کے نام سے ہوئی ہے۔ اوسپرے ہیلی کاپٹر کی طرح عمودی ٹیک آف اور لینڈنگ کرنے والا ہوائی جہاز ہے جس کے روٹری ونگز اسے ہیلی کاپٹر کی طرح اڑنے میں مدد دیتے ہیں۔
رواں سال مارچ میں ناروے میں بھی ایک فضائی حادثے میں امریکی بحریہ کے چار فوجی ہلاک ہو گئے تھے۔