ہربھجن سنگھ نے پاک بھارت ٹاکرے کی پیش گوئی سے معذرت کرلی
سابق بھارتی اسپنر ہربھجن سنگھ نے اگلے ٹی ٹوئنٹی ورلڈ کپ کیلئے پاک بھارت ٹاکرے کی پیش گوئی سے معذرت کرلی ہے۔
رواں برس آسٹریلیا میں ہونے والے ٹی ٹوئنٹی کرکٹ ورلڈ کپ میں پاکستان اور بھارت کی ٹیمیں 23 اکتوبر کو میلبرن کرکٹ گراؤنڈ میں مدمقابل آرہی ہیں۔
گذشتہ سال میچ سے قبل ہربھجن سنگھ نے شعیب اختر کو کہا تھا کہ بھارتی ٹیم پاکستان کو شکست دے گی، اس سے اچھا ہے پاکستانی ٹیم بھارت کو واک اوور دے دے کیونکہ ورلڈ کپ مقابلوں میں بھارتی ٹیم پاکستان کو شکست نہیں دے سکتی اور یہ خواب خواب ہی رہے گا۔
مگر دبئی میں ہونے والے ٹاکرے میں بابر الیون نے بھارت کو دس وکٹوں سے شکست دے کر ہربجھن سنگھ سمیت سوا ارب بھارتیوں کو سکتے میں ڈال دیا تھا۔
Advertisement
اس بار بھارتی میڈیا نے ہر بھجن سنگھ سے سوال کیا کہ پاک بھارت اگلے ٹاکرے کا فیورٹ کون ہے تو ہربھجن سنگھ نے احتیاط کا مظاہرہ کیا اور پیش گوئی سے انکار کردیا۔
ہربھجن سنگھ نے کہا کہ اس بار پاک بھارت میچ کی جیت کے بارے میں کوئی رائے نہیں دے سکتا کہ کون جیتے گا۔