ٹی ٹوئنٹی رینکنگ میں قومی وکٹ کیپر بلے باز محمد رضوان کی حکمرانی برقرار ہے جبکہ بابر اعظم کی مزید تنزلی ہوگئی ہے۔
تفصیلات کے مطابق انٹرنیشنل کرکٹ کونسل (آئی سی سی)نے ٹی ٹوئنٹی کی نئی رینکنگ جاری کردی ہے۔
بلے بازوں کی فہرست میں قومی وکٹ کیپر بلے باز محمد رضوان کی پہلی پوزیشن برقرار ہے جبکہ جنوبی افریقہ کے ایڈن مارکرام دوسرے نمبر پر موجود ہیں۔
قومی کپتان بابر اعظم ایک درجے تنزلی سے تیسرے سے چوتھے نمبر پر چلے گئے ہیں جبکہ بھارت کے سوریا کمار یادیو چوتھے سے تیسرے نمبر پر آ گئے۔
انگلینڈ کے ڈیوڈ ملان کا پانچواں اور آسٹریلیا کے ایرون فنچ کا چھٹا نمبر برقرار ہے۔
Advertisement
ٹی ٹوئنٹی بولرز میں آسٹریلیا کے جوش ہیزل ووڈ پہلے نمبر پر برقرار ہیں جبکہ جنوبی افریقہ کے تبریز شمسی دوسرے اور انگلینڈ کے عادل رشید تیسرے نمبر پر موجود ہیں۔
افغانستان کے راشد خان چوتھے نمبر پر آ گئے اور آسٹریلیا کے ایڈم زیمپا پانچویں نمبر پر چلے گئے۔
پاکستان کے شاداب خان 14 ویں نمبر پر موجود ہیں جبکہ شاہین آفریدی 17 ویں سے 19 ویں نمبر پر چلے گئے۔
ٹی ٹوئنٹی آل راونڈرز میں شکیب الحسن کا پہلا نمبر برقرار ہے۔ بھارت کے ہاردیک پانڈیا ساتویں سے پانچویں نمبر پر آ گئے۔
Advertisement