فیڈرل بورڈ آف انویسٹمنٹ پاکستان کے زیر اہتمام الیکٹریکل وہیکل پالیسی بارےسیمینار
پاکستان کے شمالی علاقے میں روزگار کے بڑے مواقع پیدا ہوں گے
دبئی (اردوویکلی)::فیڈرل بورڈ آف انویسٹمنٹ پاکستان کے زیراہتمام الیکٹریکل وہیکل پالیسی اورآٹوموبائل سیکٹربارے ایکسپو 2020 دبئی میں ٹیرا آڈیٹوریم میں ایک سیمینارکاانعقاد کیاگیاجس میں میں متحدہ عرب امارات کے مختلف چیمبرز اور بین الاقوامی آٹو کمپنیوں کے شرکاء نے شرکت کی۔سیمینز پاکستان کے منیجنگ ڈائریکٹر مارکس سٹروہمیر اور پاکستان میں مٹسوئی جاپان کے سربراہ یاماشیرو شنسوک اس تقریب میں اہم مقررین اور مہمان پینلسٹ تھے۔ ڈائریکٹر جنرل ،بورڈ آف انویسٹمنٹ جمیل قریشی نے پاکستان میں سرمایہ کاری کے نظام پر روشنی ڈالی۔ انہوں نے اظہارخیال کرتے ہوئے کہا کہ حکومت پاکستان غیر ملکی سرمایہ کاروں کو پارلیمنٹ کے قوانین کے تحت قانونی تحفظ کے ساتھ محفوظ ماحول فراہم کر رہی ہے ، ٪100 ایکویٹی یا مشترکہ منصوبوں کے ساتھ غیر ملکی سرمایہ کاروں کے لیے معیشت کے تمام شعبوں میں سرمایہ کاری کے بہترین مواقع۔ڈائریکٹرجنرل بورڈ آف انویسٹمنٹ نے خصوصی اقتصادی زونز اور آٹوموبائل سیکٹر میں سرمایہ کاری کے مواقع پر بھی روشنی ڈالی۔ نئ الیکٹریکل وہیکل پالیسی کو بھی حاضرین کو تفصیل سے آگاہ کیاگیا۔مارکس اسٹروہمیر نے حکومت پاکستان کی جانب سے شروع کی گئی آٹوموبائل اور الیکٹریکل وہیکل پالیسی کو سراہا جو کہ پاکستان میں موجودہ اور نئے سرمایہ کاروں کو آٹو مینوفیکچرنگ اور الیکٹرک وہیکل چارجنگ میں سہولت فراہم کرے گی۔ انہوں نے ہائیڈروجن جیسے متبادل مستقبل کے سبز ایندھن پر تحقیق کرنے پر بھی روشنی ڈالی جس سے پاکستان کے شمالی علاقے میں روزگار کے بڑے مواقع پیدا ہوں گے ، جہاں غیر استعمال شدہ پانی کے بڑےذخائر موجود ہیں۔پاکستان میں مٹسوئی جاپان کے سربراہ یاماشیرو شنسوک نے پاکستان میں کام کرنے کے اپنے تجربےبارے اظہارخیال کرتے ہوئے کہا کیونکہ ان کی کمپنی پاکستان میں 1952 سے کام کر رہی ہے ، ٹیکسٹائل ، خوراک ، مشینری اور جنریٹرز سے اپنا کاروبار بڑھا رہی ہے اور انہوں نے اب پاکستان میں نئے ایل این جی ٹرمینل میں سرمایہ کاری کی ہے۔ انہوں نے مزید کہا کہ مٹسوئی جاپان پاکستان کو سرمایہ کاری کے لیے ایک مثالی مقام سمجھتا ہے وہ مزید سرمایہ کاری کے لیے اپنے کاروبار کو بڑھانے کے لیے مسلسل تلاش میں ہے۔انویسٹمنٹ فورم کے بعد سوال و جواب کا سیشن ہوا جس میں ڈائریکٹر جنرل ،بورڈ آف انویسٹمنٹ نے کاروباری برادری اور ممکنہ بین الاقوامی سرمایہ کاروں کے سوالات کا جواب دیا۔
