ہر کھلاڑی پر برا وقت آتا ہے، دیکھنا یہ ہے کہ کھلاڑی کیسا ہے، جاوید میانداد

By admin On اکتوبر 5, 2022

پاکستان کرکٹ ٹیم کے سابق کپتان جاوید میانداد کا بابر اعظم سے متعلق کہنا ہے کہ ہر کھلاڑی پر برا وقت آتا ہے لیکن دیکھنا یہ ہے کہ کھلاڑی کیسا ہے۔

پاکستان کرکٹ ٹیم کے سابق کپتان جاوید میانداد کا میڈٰیا سے گفتگو کرتے ہوئے کہنا تھا کہ جو ملک کے لئے بہتر ہوتا ہے وہ کرنا پڑتا ہے۔

انہوں نے کہا کہ ہر پلیئر پر برا وقت آتا ہے، کرکٹ میں یہ چلتا رہتا ہے لیکن دیکھنا یہ ہوتا ہے کہ پلیئر کیسا ہے۔

جاوید میانداد کہتے ہیں دس سال ایک کھلاڑی پرفارم نہیں کرسکتا، پلیئر آؤٹ بھی ہوتا ہے اور پرفارم بھی کرتا تھا۔ بابر اعظم کا بھی برا وقت آیا ہے۔

ان کا کہنا تھا کہ سیلیکٹرز کو چاہیے کہ پلئیرز کا پول بنائیں، بیس پچیس کھلاڑیوں کو مسلسل ٹریننگ کرائیں اور انہیں روزانہ میچ کھیلائیں۔

خوشدل شاہ کے آؤٹ ہونے پر نعرے لگنے کے سوال پر انہوں نے کہا کہ کرکٹ میں پلیئر کے خلاف نعرے لگتے رہتے ہیں، یہ کھیل کا حصہ ہے۔

انہوں نے مزید کہا کہ فاسٹ باؤلر جتنی زیادہ کرکٹ کھیلے گا وہ ان فٹ تو ہوگا لہذا کھلاڑیوں کو خود بھی اپنی فٹنس کا خیال رکھنا چاہیے۔ کھلاڑیوں کو میچ کھیلنے کے پیسے ملتے ہیں۔

جاوید میانداد کو کپل دیو مشورہ دیتے ہوئے کہنا تھا کہ ’میرا کپل کو مشورہ ہے کہ اب آپ بس سوئیں، اس عمر میں آرام نہیں کرو گے تو مشکل ہوجائے گی۔