فرانس میں آئل ریفائنریز کے ملازمین کی ہڑتال کے باعث پیٹرول بحران شدت اختیار کرگیا ہے اور پیٹرول نہ ملنے پر عوام پمپس پر کتھم کتھا ہوگئے۔
تفصیلات کے مطابق فرانس میں 6 آئل ریفائنریز کے ملازمین کی ہڑتال کے باعث ملک بھر میں پیٹرول بحران شدید ہوگیا ہے اور مختلف شہروں میں پیٹرول پمپس پر لمبی قطاریں دکھائی دے رہی ہیں۔
ملک بھر میں پیٹرول کی شدید قلت سے پیٹرول کے حصول کے لئے لوگ ایک دوسرے سے لڑ رہے ہیں۔
خیال رہے کہ آئل ریفائنریز کے ملازمین نے حکومت سے تنخواہوں میں اضافے اور بہتر سہولتوں کی فراہمی کا مطالبہ کیا ہے۔
آئل ریفائنریز ملازمین کی یونین کا کہنا ہے کہ بڑھتی ہوئی مہنگائی کے باعث اخراجات کا بوجھ اٹھانا مشکل ہوگیا ہے۔ آئل ریفائنریز اپنے منافع میں سے ملازمین کی تنخواہوں میں اضافہ کریں اوردیگر سہولیات بھی فراہم کریں۔
Advertisement
دوسری جانب فرانسیسی حکومت نے ہڑتالی ملازمین کو فوری طور پر کام پر واپس پہنچنے کا حکم دیا ہے۔ فرانس کی حکومت نے ملازمت پر نہ پہنچنے والے ملازمین کو جرمانے اور قید کی سزا دینے کی دھمکی دی ہے۔
Advertisement