سابق بھارتی کرکٹر نے حارث رؤف کو خطرہ قرار دے دیا

By admin On اکتوبر 20, 2022

سابق بھارتی کرکٹر نے شاہین آفریدی کی جگہ حارث رؤف کو بھارتی ٹیم کے لیے خطرہ قرار دے دیا ہے۔

بھارتی میڈٰیا کے مطابق سابق بھارتی کرکٹر اور کمنٹیٹر آکاش چوپڑا کا کہنا تھا کہ شاہین آفریدی کو ابھی ردھم میں آنے میں وقت لگے گا کیونکہ وہ حال ہی میں انجری سے صحتیاب ہوئے ہیں۔

انہوں نے کہا کہ موجودہ وقت میں حارث رؤف بھارتی ٹیم کے لیے خطرہ ثابت ہوسکتے ہیں کیونکہ وہ اپنی لائن اور لینتھ کی وجہ سے خطرہ کھڑا کرسکتے ہیں۔

But I do feel the bowler to be wary of on Sunday isn’t Shaheen. It’s Haris Rauf. Afridi is getting close to his best but isn’t there yet…and unlikely to be by the 23rd either. Rauf will bowl the tougher overs and has the potential to make a difference. #IndvPak #T20WorldCup

— Aakash Chopra (@cricketaakash) October 19, 2022

ان کا کہنا تھا حارث رؤف کو مشکل اوورز میں بھیجا جائے گا اور وہ صورت حال بدل سکتے ہیں لہذا بھارتی ٹیم کو ہوشیار رہنے کی ضرورت ہے۔

واضح رہے کہ ٹی ٹوئنٹی ورلڈکپ کے سپر 12 مرحلے میں پاکستان کا مقابلہ روایتی حریف بھارت سے 23 اکتوبر کو میلبورن کے تاریخی اسٹیڈیم میں کھیلا جائے گا۔

اس میچ میں بارش کی پیش گوئی بھی کی گئی ہے جس کی وجہ سے میچ متاثر ہونے کا خدشہ ہے جب کہ محکمہ موسمیات نے 96 فیصد بارش کی پیش گوئی کی ہے۔