پاکستانی سرحد کے قریب بھارت نے نئے فوجی اڈے کا سنگِ بنیاد رکھ دیا
Advertisement
نئی دہلی: پاکستانی سرحد کے قریب بھارتی وزیر اعظم نریندر مودی نے نئے فوجی اڈے کا سنگِ بنیاد رکھ دیا ہے۔
غیر ملکی خبر رساں ادارے کے مطابق بھارت جنگی جنون میں بے قابو ہوگیا ہے، پاکستانی سرحد کے قریب بھارتی وزیر اعظم نریندر مودی نے ایک نئے فوجی اڈے کا سنگِ بنیاد رکھا ہے۔
سنگِ بنیاد رکھتے ہوئے بھارتی وزیر اعظم نے اس اڈے کو بھارت کی سیکیورٹی کے لیے اہم قرار دیا ہے جس کی تعمیر 2023 تک مکمل ہوجائے گی۔
رپورٹس کے مطابق نیا فوجی اڈہ بھارتی گجرات کے علاقے دیسا میں بین الاقوامی سرحد سے 130 کلو میٹر دور واقع ہے۔ جہاں بھارتی فضائیہ مستقل طور پر موجود رہے گی۔
واضح رہے کہ بھارت نے حال ہی میں جوہری صلاحیت کی حامل آبدوز سے بیلسٹک میزائل کا تجربہ کیا تھا۔
Advertisement