شعیب اور ثانیہ کی پہلی ملاقات کب اور کہاں ہوئی؟

By admin On نومبر 11, 2022

پاکستان کرکٹ ٹیم کے سابق کپتان شعیب ملک اور ان کی اہلیہ ثانیہ مرزا کے درمیان طلاق کی خبریں زیرِ گردش ہیں تاہم اب تک اس کی تصدیق نہیں ہوسکی ہے۔

پاکستان کرکٹ ٹیم کے مایہ ناز آل راؤنڈر شعیب ملک کی شادی بھارتی ٹینس اسٹار ثانیہ مرزا سے 2010 میں ہوئی جس سے ان کا ایک بیٹا ازہان مرزا ہے۔

دونوں کھلاڑی اکثر ہی خبروں میں رہتے ہیں تاہم اس مرتبہ ان کی علیحدگی سے متعلق خبریں زیرِ گردش ہیں لیکن دونوں جانب سے کوئی تصدیقی بیان سامنے نہیں آٰیا ہے۔

مشہور جوڑی کی پہلی ملاقات کب اور کہاں ہوئی؟

شادی کے فوری بعد شعیب ملک اور ثانیہ مرزا نے نجی خبر رساں ادارے کو خصوصی انٹرویو دیا جس میں انہوں نے اپنی ملاقات کا احوال بتایا تھا۔

انٹرویو کے دوران میزبان نے ثانیہ مرزا سے ان کی پہلی ملاقات کا سوال پوچھا جس کے جواب میں انہوں نے بتایا کہ ہماری پہلی ملاقات ایک رسمی ملاقات رہی تھی جو کہ ایک صحافی نے کروائی تھی۔

انہوں نے بتایا کہ 2005 میں جب میں فیڈریشن کپ کھیل رہی تھی تو پاکستان ٹیم بھی ان دنوں بھارت میں موجود تھی اور ہم لوگ ایک ہی ہوٹل میں ٹھہرے ہوئے تھے۔

انہوں نے مزید بتایا کہ جب میں جم سے نکل رہی تھی تو شعیب سے ایک رسمی ملاقات ہوئی تھی اور پھر ہم تین چار سال نہیں ملے تھے۔

واضح رہے کہ شعیب اور ثانیہ کا رشتہ دبئی میں طے ہوا تھا جس کے بعد ان کی شادی بھارت اور ولیمہ پاکستان میں منعقد ہوا تھا۔

یہ واحد شادی تھی جس کو دونوں ممالک کے میڈیا نے بھرپور کوریج دی تھی جب کہ ان کی شادی اپنے وقت کی سب سے بڑی بریکنگ نیوز ثابت ہوئی تھی۔