نوجوان پاکستانی کوہ پیما نے 8 ہزار میٹر سے اونچی چھٹی چوٹی سرکرلی
نوجوان پاکستانی کوہ پیما شہروز کاشف نے 8 ہزار میٹر سے اونچی چھٹی چوٹی کو سرکرلیا ہے۔
خبر رساں ادارے کی رپورٹ کے مطابق پاکستان کے 20 سالہ کوہ پیما شہروز کاشف نے 8 ہزار 516 میٹر اونچی چوٹی ماؤنٹ لوٹسے کو سر کرلیا ہے جس کی تصدیق ان کی ٹیم نے کی ہے۔
یہ بھی پڑھیں: پاکستانی کوہ پیما نے اپنی نظریں اگلے ہدف پر جمالیں
رپورٹ کے مطابق نوجوان نے 8 ہزار میٹر سے اونچی یہ چھٹی چوٹی سر کی ہے جبکہ اس سے قبل انہوں نے براڈ پیک، ماؤنٹ ایوریسٹ، مناسلو، کنچن اور کے ٹو کو بھی سر کیا ہے۔
Advertisement
لوٹسے کو سر کرنے کے بعد شہروز کاشف 8 ہزار میٹر سے اونچی 6 چوٹیاں سر کرنے والے چوتھے پاکستانی بن گئے ہیں۔
اس سے قبل پاکستانی کوہ پیما محمد علی سدپارہ اور ان کے بیٹے حسن سدپارہ سمیت سرباز علی بھی 8 ہزار میٹر سے اونچی 6 چوٹیوں کو سر کرچکے ہیں۔
رپورٹ میں مزید کہا گیا ہے کہ اس چوٹی کو سر کرنے کے بعد شہروز کاشف دنیا کی پانچویں بلند ترین چوٹی مکالو کو سر کرنے کا ارادہ رکھتے ہیں۔