کرکٹ جنوبی افریقہ (سی ایس اے) نے آئرلینڈ کے خلاف 3 سے 17 جون تک ڈبلن میں کھیلی جانے والی ون ڈے اور ٹی ٹوئنٹی سیریز کے لیے 15 رکنی اسکواڈ کا اعلان کر دیا ہے۔
تفصیلات کے مطابق ڈیلمی ٹکر ڈومیسٹک سیزن میں شاندار آل راؤنڈر پرفارمنس کے بعد اپنے ڈیبیو کے لیے لائن میں آسکتی ہیں جہاں انہوں نے سفید گیند کی کرکٹ میں 409 رنز بنائے، اور دائیں ہاتھ کے آف اسپن سے 15 وکٹیں حاصل کیں۔
سینالو جفتا، ماریزان کپ اور آئی سی سی ویمنز ون ڈے کرکٹر آف دی ایئر 2021، لیزیل لی جو نیوزی لینڈ میں آئی سی سی ویمنز کرکٹ ورلڈ کپ 2022 کا حصہ تھیں سانس کی بیماری کے باعث اس دورے سے محروم رہیں گی۔
Three big names miss out due to illness as South Africa announce squad for white-ball tour of Ireland.
Full details https://t.co/obN6PXbuqW
Advertisement
— ICC (@ICC) May 23, 2022
ڈینی وین نیکرک، جو اپنے بائیں ٹخنے میں فریکچر ہونے کے بعد ورلڈ کپ سے محروم ہو گئی تھیں، اس ماہ انفرادی تربیت شروع کرنے کے باوجود دستیاب نہیں ہیں۔
رائسبھ نٹوزاخے ، ناڈن ڈی کلارک اورانڈری اسٹین کو اسکواڈ میں شامل کیا گیا ہے۔
ون ڈے سیریز ان کی آئی سی سی ویمنز چیمپئین شپ 2022–2025 مہم کا آغاز کرے گی جبکہ ٹی ٹوئنٹی انہیں برمنگھم میں ہونے والے کامن ویلتھ گیمز کے ساتھ ساتھ اگلے سال ہونے والے آئی سی سی ویمنز ٹی ٹوئنٹی ورلڈ کپ کی تیاری میں مدد کریں گے۔
یہ دورہ 3 جون کو تین میچوں کی ٹی ٹوئنٹی سیریز سے شروع ہوگا اور 17 جون کو تین ون ڈے میچز کی سیریز پر اختتام پذیر ہوگا۔
جنوبی افریقہ کے اسکواڈ میں اینیک بوش، تزمین برٹس، ٹریشا چیٹی، نادین ڈی کلرک، لارا گڈال، شبنم اسماعیل، آیابونگا کھاکا، سن لوس، نونکولیکو ملابا، رائسبی نتوزاکھے، تمی سیخوخونے، اینڈری اسٹین، چلو ٹریون، ڈیلمی ٹکر، ڈبلیو ٹرورا شامل ہیں۔
شیڈول کے مطابق دونوں ٹیموں کے درمیان پہلا ٹی ٹوئنٹی 6، دوسرا 8، جبکہ تیسرا اور آخری 8 جون کو کھیلا جائے گا۔
ون ڈے سیریز کا آغاز 11 جون سے ہوگا،دوسرا 14 جبکہ تیسرا اور آخری ون ڈے میچ 17 جون کو کھیلا جائے گا۔