افغانستان نے پہلے ٹی ٹوئنٹی میچ میں زمبابوے کو 6 وکٹوں سے شکست دے دی۔
ہرارے میں کھیلے گئے میچ میں زمبابوے نے ٹاس جیت کر پہلے بیٹنگ کرنے کا فیصلہ کیااور مقررہ 20 اوورز میں 8 وکٹوں کے نقصان پر 159 رنز بنائے۔
سکندر رضا 45، ویزلے میڈھیویر 32 اور ریگس چکابوا 29 رنز بناکر نمایاں رہے۔
افغانستان کی جانب سے نجات مسعود نے 3 جبکہ فضل الحق فاروقی، محمد نبی اور راشد خان نے ایک ایک وکٹ حاصل کی۔
ہدف کے تعاقب میں افغانستا نے اچھا آغاز کیا اور 10 اوورز میں بغیر کسی کے نقصان کے 83 رنز بنالیے تھے تاہم 11 اویں اوور میں صرف 3 رنز کے عوض تین وکٹیں گرنے کے سبب افغانستان کو محتاط ہوکر کھیلنا پڑا۔
Advertisement
#1stT20I | Match Summary
#ZIMvAFG | #VisitZimbabwe pic.twitter.com/By91W35jpk
— Zimbabwe Cricket (@ZimCricketv) June 11, 2022
حضرت اللہ زازئی 45، رحمان اللہ گرباز 33 اور عثمان غنی ایک رن بناکر آؤٹ ہوئے۔درویش رسولی بھی 11 رنز بناکر آؤٹ ہوگئے۔
تاہم نجیب اللہ زادران اور کپتان محمد نبی نے برق رفتاری سے کھیلتے ہوئے ٹیم کو فتح سے ہمکنار کروادیا۔
نجیب اللہ زادران 44 اور محمد نبی15 رنز بناکر ناقابل شکست رہے۔
زمبابوے کی جانب سے رائن برل نے 3 اور لیوک جونگوے نے ایک وکٹ حاصل کی۔
نجیب اللہ زادران کو برق رفتار 44 رنز بنانے پر میچ کا بہترین کھلاڑی قرار دیا گیا۔