شاہد آفریدی کا سیلاب سے متاثرہ صوبہ بلوچستان جانے کا فیصلہ

By admin On جولائی 30, 2022

اسٹار کرکٹر شاہد خان آفریدی نے سیلاب سے متاثرہ صوبہ بلوچستان جانے کا فیصلہ کیا ہے۔

سابق کپتان قومی کرکٹ ٹیم شاہد آفریدی کا مائیکرو بلاگنگ سائٹ ٹوئٹر پر کہنا تھا کہ اپنے بچوں کا دکھ باٹنے میں خود بلوچستان آرہا ہوں، یہ بچے ہمارے بچے ہیں اور ہمارے ملک کا مستقبل ہیں۔

یہ بچے ہمارے بچے ہیں، ہمارے ملک کا مستقبل ہیں۔ بلوچستان میں آفت کا وقت، قوم کی آزمائش کا وقت ہے۔ بلوچستان نے مجھے ہمیشہ کھلے بازوؤں اور کشادہ دل کے ساتھ خوش آمدید کہا ہے، میں اپنے بچوں کا دکھ بانٹنے اور مشکل وقت میں ان کے آنسو پونچھنے خود بلوچستان جا رہا ہوں۔ https://t.co/dK8SKwR5QZ

— Shahid Afridi (@SAfridiOfficial) July 28, 2022

شاہد آفریدی کا ٹوئٹ کرتے ہوئے کہنا تھا کہ بلوچستان میں آفت، قوم کی آزمائش کا وقت ہے اور بلوچستان نے مجھے ہمیشہ کھلے بازوؤں اور کشادہ دل کے ساتھ خوش آمدید کہا ہے۔

واضح رہے کہ یہ ٹوئٹ انہوں نے بیزاد خان خروٹی نامی سوشل میڈیا ایکٹیوسٹ کے ٹوئٹ کے جواب میں کیا ہے جس میں ایکٹیوسٹ نے بلوچستان کی موجودہ صورت حال پر افسوس کا اظہار کیا تھا۔

بیزاد خان خروٹی نے لکھا تھا کہ ’میرے بلوچستان کے بچوں کی لاشیں پانی میں پڑی رہیں اور حکمرانوں کے بچے یورپی ممالک میں عیاشیاں کرتے ہیں۔

انہوں نے مزید لکھا تھا کہ بلوچستان کے بچے یہاں سیلابی پانی میں ڈوب رہیں ہیں، بروز قیامت اللہ تعالی کو کیا حساب دیں گے آخرت کی پوچھ گچ بڑی سخت ہوگی۔

یہ بھی پڑھی: پاکستان آرمی اور ایف سی بلوچستان کا سیلاب زدہ علاقوں میں ریسکیو آپریشن جاری

خیال رہے کہ بلوچستان میں ہونے والے حالیہ مسلسل بارشوں نے تباہی مچادی ہے جبکہ طوفانی بارشوں کے نتیجے میں 100 سے زائد گھر گرگئے اور ہلاکتوں کی تعداد بھی 111 ہوگئی ہیں۔