ایشیا کپ فائنل سے قبل اہم کھلاڑی فٹ ہوگئے

By admin On ستمبر 11, 2022

ایشیا کپ میں سری لنکا کے خلاف فائنل سے قبل جوشیلے انداز کے مالک پاکستانی کرکٹ ٹیم کے فاسٹ بولر شاہنواز دہانی فٹ ہوگئے۔

ایشیا کپ میں ہانگ کانگ کے خلاف میچ میں شاہنواز دہانی سائیڈ اسٹرین انجری کا شکار ہوگئے تھے تاہم اب وہ فٹ ہیں۔

کون بنےگا ایشیا کی کرکٹ کا سلطان؟ آج فائنل معرکہ

ایشیا کپ 2022 کی ٹرافی پاکستانی شاہینز اٹھائیں گے یا سری لنکن لائنز ؟ اس کا فیصلہ آج دبئی کرکٹ اسٹیڈیم میں ہوجائے گا۔

ایشیا کپ کرکٹ ٹورنامنٹ کے فائنل میں آج پاکستان اور سری لنکا ٹکرائیں گے۔ میچ پاکستانی وقت کے مطابق شام 7 بجے شروع ہوگا۔

We look at the key players for both sides and have all the team news ahead of the eagerly awaited #AsiaCup2022 final between Pakistan and Sri Lanka.

Details https://t.co/ImsLwehOhw

— ICC (@ICC) September 11, 2022

سری لنکا نے فائنل سے دو دن قبل پاکستان کو آخری سپر فور میچ میں پانچ وکٹ سے شکست دی تھی۔

پاکستان سپر فور مرحلے کے دیگر دونوں میچ جیت کر فائنل میں پہنچی ہے۔

جبکہ سری لنکا کو ٹورنامنٹ کے افتتاحی میچ میں افغانستان نے شکست دی لیکن اس کے بعد وہ لگاتار چار اور سپر فور مرحلے کے تمام تین میچ جیت کر فائنل میں پہنچی ہے۔

کپتان بابر اعظم کا کہنا ہے کہ بحثیت ٹیم اس وقت ہمارا ایک ہی ہدف ہے کہ ہم فائنل میں اچھا پرفارم کریں اور ٹورنامنٹ جیتیں۔