آسٹریلیا میں ہونے والے ٹی ٹوئنٹی ورلڈ کپ میں سیمی فائنلسٹ ٹیموں کے حوالے سے سنیل گواسکر اور ٹام موڈی نے پیش گوئی کر دی ہیں۔
تفصیلات کے مطابق 2022 ورلڈ کپ آسٹریلیا میں شروع ہو چکا ہے، راؤنڈ 1 پہلے ہی کچھ اپ سیٹس پیدا کر چکا ہے اور سری لنکا کو نمیبیا کے ہاتھوں شکست کا سامنا کرنا پڑا، جبکہ اسکاٹ لینڈ نے ویسٹ انڈیز کے جبڑے سے فتح چھین لی۔
سابق بھارتی کپتان سنیل گواسکر نے 2022 ورلڈ کپ کے فائنل میں پہنچنے والی دو ٹیموں کے لیے اپنی پیش گوئیاں کر دی ہیں۔
بھارت اور آسٹریلیا کے درمیان وارم اپ میچ سے قبل ایک نجی اسپورٹس چینل پر سنیل گواسکر نے اعلان کیا کہ انہیں یقین ہے کہ بھارت اور آسٹریلیا دو فائنلسٹ ہوں گے۔
سابق بھارتی لیجنڈ سنیل گواسکر نے مزید کہا کہ بلاشبہ بھارت فائنل میں ہے اور چونکہ میں آسٹریلیا میں ہوں اس لیے فائنل کی دوسری ٹیم کے لیے آسٹریلیا کا نام لوں گا۔
Advertisement
دریں اثناء آسٹریلوی آل راؤنڈر ٹام موڈی نے بھی اپنی پیش گوئیوں پر عمل کرنے کا فیصلہ کیا، موڈی نے کہا کہ انہیں یقین ہے کہ پاکستان، انگلینڈ، انڈیا اور آسٹریلیا ٹاپ فور ہوں گے۔
سابق آسٹریلوی آل راؤنڈر ٹام موڈی نے کہا کہ میں آپ کو اس ورلڈ کپ کی ٹاپ فور ٹیموں کا بتانے جا رہا ہوں۔
ٹام موڈی کے مطابق آسٹریلیا اور انگلینڈ اپنے گروپوں سے آگے بڑھیں گے اور مجھے یقین ہے کہ پاکستان اور انڈیا دوسرے گروپ کی قیادت کریں گے۔
ٹام موڈی نے بھی فائنل کے لیے بھارت اور آسٹریلیا کے نام تجویز کیے ہیں۔
واضح رہے کہ ان چاروں ٹیموں نے اب تک کھیلے گئے وارم اپ میچز میں آسٹریلیا کو بھارت کے ہاتھوں شکست کا سامنا کرنا پڑا جبکہ انگلینڈ نے پاکستان پر آرام سے کامیابی حاصل کی۔
پاکستان اور بھارت 23 اکتوبر کو اپنی ورلڈ کپ مہمات کا آغاز کریں گے، جب وہ میلبورن کرکٹ گراؤنڈ میں ایک دوسرے سے ملیں گے۔
Advertisement