ٹی ٹوئنٹی ورلڈکپ؛ آئی سی سی کا انجرڈ کھلاڑیوں کے متبادل کا اعلان

By admin On اکتوبر 19, 2022

انٹرنیشنل کرکٹ کونسل نے ٹی ٹوئنٹی ورلڈ کپ کے لیے 3 ٹیموں کے انجرڈ کھلاڑیوں کے متبادل کا اعلان کردیا ہے۔

انٹرنیشنل کرکٹ کونسل (آئی سی سی) کی جانب سے ایک بیان جاری کیا گیا ہے جس میں انہوں نے ٹی ٹوئنٹی ورلڈ کپ کے لیے 3 ٹیموں کے چار کھلاڑیوں کے متبادل کا اعلان کیا ہے۔

Injury hits three teams at the #T20WorldCup

England forced to make a change to their team ahead of the Super 12 stage

Advertisement

Two other teams also make changes to their 15-member squad. Details https://t.co/4fQdlnzkv5

— ICC (@ICC) October 19, 2022

آئی سی سی کے مطابق انگلینڈ اور متحدہ عرب امارات کی ٹیموں میں ایک ایک کھلاڑی تبدیل کیا گیا ہے جب کہ سری لنکن اسکواڈ میں دو تبدیلیاں کی گئی ہیں۔ ان کھلاڑیوں کی تبدیلی کی منظوری آئی سی سی ایونٹ ٹیکنیکل کمیٹی نے بھی دے دی ہے۔

سری لنکا کو نیدرلینڈز کے خلاف اہم میچ سے قبل بڑا دھچکا لگا ہے اور ان کے اوپنر دانوشکا گناتھیلاکا انجری کے باعث ورلڈکپ سے باہر ہوگئے ہیں، ان کی جگہ آشین بنڈارا کو ٹیم میں شامل کیا گیا ہے۔

اسی طرح سری لنکن فاسٹ بولر دشمنتھا چامیرا کی جگہ کاسن رجیتھا کو ٹیم میں شامل کیا گیا ہے، دشمنتھا چامیرا نے کوالیفائنگ راؤنڈ میں یو اے ای کے خلاف 79 رنز کی شاندار اننگز کھیلی تھی جب کہ انہوں نے بولنگ میں بھی 3 وکٹیں حاصل کیں تھیں۔

دوسری جانب انگلش ٹیم کے فاسٹ بولر ریس ٹوپلی بھی انجری کے سبب ورلڈ کپ سے باہر ہوگئے ہیں، ان کی جگہ ٹیم میں ملز کو شامل کیا گیا ہے۔

متحدہ عرب امارات کی ٹیم میں زوار فرید کی جگہ فہد نواز کو شامل کیا گیا ہے۔