معروف امریکی میوزک ہپ ہاپ گروپ کے رکن کو آج صبح ٹیکساس میں گولی مار کر ہلاک کر دیا گیا۔
امریکی میڈیا کے مطابق ریپر کو منگل کی صبح ہیوسٹن، ٹیکساس میں ایک بولنگ گلی میں گولی مار کر ہلاک کر دیا گیا۔
امریکی خبر رساں ادارے نے اپنے نمائندے کا حوالہ دیتے ہوئے رپورٹ کیا کہ امریکی ریپر ٹیک آف میگوس کے 28 سالہ رکن کو ہیوسٹن میں گولی مار کر ہلاک کر دیا گیا ہے۔
رپورٹ کے مطابق پولیس کو منگل کے روز صبح سویرے باؤلنگ گلی میں فائرنگ کی اطلاعات ملی، پولیس وہاں پہنچی تو انہوں نے ایک شخص کو مردہ حالت میں پایا۔
Advertisement
امریکی میڈیا کے رپورٹر کا کہنا تھا کے فائرنگ کے 7 گھنٹے بعد مقامی وقت کے مطابق صبح 10 بجے میں نے طبی معائنہ کار کی وین میں ایک لاش کو دیکھا۔
امریکہ کے مشہور ہپ ہاپ ریپر گروپ ’مگوس‘ کے رکن ٹیک آف جس کا اصل نام کرشنک کھاری بال ہے اور وہ اپنے چچا کواوو اور کزن آفسیٹ کے ساتھ مگوس کا حسہ تھے۔
میگوس کے ممبران کے ایک نمائندے نے بھی ٹک آف کے ہلاک ہونے کی تصدیق کر دی ہے۔
ایک اور امریکی جریدے نے ایک نامعلوم ذریعہ کے حوالے سے یہ بھی اطلاع دی ہے کہ ریپ اسٹار کو ہلاک کر دیا گیا ہے۔
لیکن ہیوسٹن پولیس نے کہا کہ وہ متاثرہ شخص کا نام فی الحال بتانے سے قاصر ہیں پولیس نے کہا کہ جب تک ٹیک آف کے اہل خانہ کو مطلع نہیں کیا جاتا اور ان کی جانب سے مردہ خانے میں لاش کی شناخت نہیں ہوتی تب تک ہم متاثرہ شخص کا نام نہیں بتا سکتے۔
پولیس کے ایک ترجمان نے بتایا کہ علاقے میں موجود سیکیورٹی گارڈز نے فائرنگ کی آواز سنی لیکن یہ نہیں دیکھا کہ یہ کس نے کیا، فائرنگ سے دو دیگر افراد زخمی ہوئے جنہیں پرائیویٹ گاڑیوں میں اسپتال لے جایا گیا۔
پولیس کی جانب سے کسی گرفتاری کا اعلان نہیں کیا گیا ہے، اور جائے وقوع کی سڑک کو عوام اور میڈیا کے ارکان کو جانے کی اجازت نہیں دی گئی۔
ٹیک آف، ریاستہائے متحدہ میں جارجیا کے مضافاتی اٹلانٹا سے تعلق رکھنے والی ریپ تینوں میگوس کا سب سے کم عمر رکن تھا۔ انہوں نے پہلی بار 2013 میں زبردست ہٹ ورساس کے ساتھ کامیابی حاصل کی۔ گانے کو ڈریک نے ریمکس کیا، جس سے اس کی مقبولیت میں اضافہ ہوا۔