ٹی ٹوئنٹی ورلڈکپ 2022 میں سنسنی خیز مقابلے جاری ہیں۔
آسٹریلیا میں جاری رواں ٹی ٹوئنٹی ورلڈکپ میں کئی اپ سیٹس بھی دیکھنے میں آئے۔پاکستان کو زمبابوے، سری لنکا کو نمیبیا ، انگلینڈ کو آئرلینڈ اور جنوبی افریقہ کو نیدرلینڈز سے شکست کا سامنا پڑا۔
پاکستان اور انگلینڈ کی ٹیمیں اپ سیٹ ہونے کے باجود سیمی فائنل میں جگہ بنانے میں کامیاب ہوگئیں۔
موجودہ ورلڈکپ میں پاکستان ٹیم کے حالات و واقعات حیران کن طور پر 1992 کے ورلڈکپ کے حالات و واقعات سے حد درجہ مشابہت رکھتے ہیں۔
1992 ورلڈکپ میں پاکستان ٹیم اپنا افتتاحی میچ میلبرن میں ہارگئی تھی اسی طرح رواں ٹی ٹوئنٹی ورلڈکپ میں بھی قومی ٹیم اپنا افتتاحی میچ میلبرن میں ہی ہاری۔
Advertisement
پاکستان کو 1992 کے ورلڈکپ کی طرح اس بار بھی گروپ میچ میں بھارت سے شکست ہوئی۔
1992 کے ورلڈکپ میں قومی ٹیم نے گروپ اسٹیج کے آخری تینوں میچ جیتے تھے اور رواں ورلڈکپ میں بھی گروپ اسٹیج کے آخری تینوں میچز میں فتح حاصل کی۔
قومی ٹیم نے دونوں ایونٹس میں گروپ اسٹیج کے آخری دن صرف ایک پوائنٹ کے فرق سےسیمی فائنل میں رسائی حاصل کی تھی۔
Is it coming home again#cricketTwitter #T20WC2022 #PakistanCricket pic.twitter.com/Gxf6usFjj0
— CricWick (@CricWick) November 8, 2022
Advertisement
واضح رہے کہ قومی ٹیم کل پہلے سیمی فائنل میں پاکستانی وقت کے مطابق دوپہر ایک بجے نیوزی لینڈ کے مد مقابل آئے گی۔
Advertisement