ٹی ٹوئنٹی ورلڈکپ 2024 بیس بال کے گراؤنڈ آکلینڈ کولیزیم میں ہونے کا امکان ہے۔
تفصیلات کے مطابق اس میگا ایونٹ کی میزبانی ویسٹ انڈیز اور امریکہ کریں گے۔
آئی سی سی کے چیف جیوف ایلارڈائس اور ڈویلپمنٹ کے سربراہ ول گلن رائٹ نے حال ہی میں کیلیفورنیا میں یو ایس اے کرکٹ حکام کے ساتھ میٹنگ کی، جہاں یہ خیال میز پر رکھا گیا۔
مقام اور صلاحیت نے آئی سی سی کے کرکٹ حکام کو اپنی طرف متوجہ کیا ہے، اس اسٹیڈیم میں 53,000 شائقین کی گنجائش ہے جو کہ ملک کے کسی بھی دوسرے کرکٹ اسٹیڈیم سے دگنی ہے۔
واضح رہے کہ بیس بال اسٹیڈیمزماضی میں کرکٹ میچوں کی میزبانی کرتے رہے ہیں جب کرکٹ آل اسٹارز ٹی ٹوئنٹی ٹور 2015 میں نیویارک، ہیوسٹن اور لاس اینجلس میں کھیلا گیا تھا۔
Advertisement
تاہم امریکہ میں ورلڈ کپ کی میزبانی میں کچھ رکاوٹیں ہوں گی، ٹائم زون ایک مسئلہ ہو گا کیونکہ مقام پیسیفک ٹائم زون کی پیروی کرتا ہے۔
اس کے علاوہ اسٹیڈیم بیس بال کے میچوں کے لیے ہے، اس لیے کرکٹ میچوں کے لیے مربع کی حدود میں ترمیم کرنے کی ضرورت ہے،مقامی انتظامیہ اسٹیڈیم کو جانچنے کے لیے کچھ نمائشی میچ منعقد کرنے کا منصوبہ بنا رہی ہے۔