فرانسیسی صدر میکرون نے روس کے یوکرین پر روسی حملے کو پیوٹن کی تاریخی غلطی قرار دیا ہے۔
غیر ملکی خبررساں ادارے کے مطابق فرانسیسی صدر میکرون کا کہنا ہے کہ روسی صدر پیوٹن نے یوکرین پرحملہ کرکے ایک تاریخی اور غلطی کی ہے جس کی وجہ سے روس اس وقت تنہائی کا شکار ہے۔روس کی فی الوقت تذلیل نہیں کی جانی چاہیے تاکہ جس روز یہ لڑائی رکے تو ہم سفارتی طریقے سے کوئی راہ ہموار کرسکیں۔
فرانسیسی صدر کا مزید کہنا تھا کہ میں نے روسی صدر کو کہا تھا کہ انہوں نے اپنے اور اپنےلوگوں کے لیے اور تاریخ کے لیے ایک تاریخی اور غلطی کردی ہے۔ میرے خیال میں انہوں نے خود کو تنہا کرلیا ہے۔انہوں نے کبھی یوکرین کے دارالحکومت کیف کے دورے سے انکار نہیں کیا۔
دوسری جانب پیوٹن نے عالمی سطح پر خوراک اور توانائی کے بحران کا الزام مغرب پر عائد کیا ہے۔
یاد رہے، روس کے یوکرین پر حملے کو 100روز مکمل ہوچکے ہیں۔ اس دوران ہزاروں افراد مارے گئے اور لاکھوں بے گھر ہوئے جس کے باعث دوسری جنگ عظیم کے بعد مہاجرین کے سب سے بڑے بحران کا خطرہ پیدا ہوگیا ہے۔ ہر گزرت دن کے ساتھ یوکرینی مہاجرین کی تعداد میں اضافہ ہورہا ہے۔ اس جنگ کے نتیجے میں عالمی سطح پر خوراک کے بحران میں اضافہ ہوا ہے
Advertisement