اہم خبریںشوبز/کھیل

پاکستان جونیئر لیگ کا آفیشل لوگو منظر عام پر آگیا

By admin
78
Print Friendly, PDF & Email

پاکستان جونیئر لیگ کا آفیشل لوگو منظر عام پر آگیا

پاکستان جونیئر لیگ کا آفیشل لوگوں منظر عام پر آگیا ہے جس پر صارفین کی جانب سے تنقید بھی کی جارہی ہے۔

چیئرمین پی سی بی رمیز راجہ کا ڈریم پروجیکٹ پاکستان جونیئر لیگ کا پہلا سیزن رواں سال یکم اکتوبر سے شروع ہونے جارہا ہے جس میں ابتدائی طور پر 6 ٹیمیں حصہ لیں گی۔

جاوید میانداد کو لیگ کا مینٹور مقرر کیا گیا ہے جبکہ شاہد آفریدی، شعیب ملک اور ڈیرن سیمی کو ٹیموں کا مینٹور مقرر کردیا گیا ہے۔

پی سی بی نے چھ میں سے تین ٹیموں کے لیے غیر ملکی اسٹارز کو بطور مینٹور مقرر کرنے کا بھی فیصلہ کیا ہے لیکن ٹی ٹوئنٹی ورلڈ کپ سے قبل انعقاد کی وجہ سے غیر ملکی کھلاڑیوں کی خدمات حاصل کرنے میں چیلنجز کا سامنا ہے۔

Advertisement

گذشتہ روزپی سی بی جونیئر لیگ کا آفیشل لوگو منظر عام پر لے آئی ہے جس کو انہوں نے مائیکرو بلاگنگ سائٹ پر شیئر کیا ہے۔

تاہم اس لوگو پر پی سی بی کو سوشل میڈیا پر تنقید کا سامنا بھی کرنا پڑرہا ہے جبکہ کئی صارفین نے لوگو پر ناپسندیدگی کا اظہار کیا ہے۔

ایک صارف نے تو لوگو کو آسٹریلیا کرکٹ کے لوگو سے بھی تشبیہہ دی اور کہا کہ ’ہماری ثقافت سے متعلق کچھ ہونا چایئے تھا‘۔

واضح رہے کہ پاکستان جونیئر لیگ کے میچز براہ راست دکھانے کے لیے پی سی بی براڈ کاسٹ کا بھی اعلان کردیا ہے۔

پاکستان جونیئر لیگ کے میچز اب براہ راست ملک کے پہلے سرکاری اسپورٹس چینل پی ٹی وی اسپورٹس پر لائیو دکھائے جائیں گے۔

یاد رہے کہ پاکستان جونیئر لیگ کا مقصد باصلاحیت نوجوانوں کو فرنچائز کی بنیاد پر اپنی صلاحیتوں کا مظاہرہ کرنے کے مواقع فراہم کرنا ہے۔

سرکاری ٹی وی کی کوریج اور لیگ سے بالآخر پاکستان کرکٹ کو فائدہ ہوگا اور قومی ٹیم کو نیا ٹیلنٹ ملے گا۔

شاید آپ یہ بھی پسند کریں مصنف سے زیادہ
جواب چھوڑیں

آپ کا ای میل ایڈریس شائع نہیں کیا جائے گا.

@media print { body { color: inherit; /* Ensures that the color is maintained */ } }