پاکستان کے سابق فاسٹ بولر محمد عامر کی انجری کے بعد کرکٹ میں واپسی ہو گئی ہے، وہ کیریبین پریمئیر لیگ میں جمیکا کی ٹیم کی نمائندگی کریں گے۔
تفصیلات کے مطابق سی پی ایل کی ٹیم جمیکا تلاواہ نے محمد عامر کے ساتھ معاہدے کی تصدیق کرتے ہوئے کہا کہ عامر کے علاوہ سندیپ لامیچھانے بھی غیر ملکی کھلاڑیوں میں شامل ہیں۔
پاکستان کے سابق فاسٹ بولر محمد عامر پاکستان سپر لیگ کے گزشتہ سیزن میں انجری کے باعث حصہ نہیں لے سکے تھے۔
بین الاقوامی کرکٹ سے 2020 میں رٹائرمنٹ کا اعلان کرنے والے محمد عامر نے گزشتہ سال کیریبین پریمئیر لیگ میں بارباڈوس کی نمائندگی کی تھی اور 13.54 کی اوسط سے 11 وکٹیں حاصل کی تھی۔
بائیں ہاتھ کے سیمر محمد عامر کو ٹی 20 کا کافی تجربہ ہے، انہوں نے اپنے کیریئر میں 219 میچوں میں 248 وکٹیں حاصل کیں۔
دوسرے غیر ملکی کھلاڑی نیپال کے لیگ اسپنر لامیچھانے ان چار غیر ملکی کھلاڑیوں میں سے ایک ہیں جو اس سے قبل اس سیزن میں واپسی کے لیے تلاواہ کے لیے کھیل چکے ہیں۔
Advertisement
لیگ اسپنر لامیچھانے نے 2020 کے سی پی ایل ایونٹ میں 12 وکٹیں حاصل کی تھیں۔
نیپالی بین الاقوامی کھلاڑی نے دو سال پہلے اپنے آپ کو ایک انتہائی کفایتی بولر کے طور پر ثابت کیا اور صرف 5.27 رنز فی اوور کی اوسط سے رنز دیئے۔
علاوہ ازیں عماد وسیم، کرس گرین اور میگوئل پریٹوریس بھی 2021 میں فرنچائز کے لیے نمایاں ہونے کے بعد جمیکا تلاواہ میں واپس آئے ہیں۔
کیریبین پریمئیر لیگ کا 10 واں ایڈیشن 31 اگست کو شروع ہو رہا ہے، جب تلاواہ کا مقابلہ سینٹ لوشیا کنگز سے افتتاحی میچ میں ہوگا۔
سی پی ایل کی فرنچائز جمیکا تلواہ کے اسکواڈ میں سات اسپاٹس باقی ہیں، جو 7 جولائی کو سی پی ایل ڈرافٹ کے دوران پُر ہوں گے۔