امریکا کے صدرجوبائیڈن اسرائیل کے دورے کے بعد آج سعودی عرب جائیں گے۔
امریکی صدر جوبائیڈن اپنے دورے میں سعودی فرمانروا شاہ سلمان اور ولی عہد شہزادہ محمد بن سلمان سے ملاقات کریں گے۔
دورہ سعودی عرب سے متعلق گفتگو کرتے ہوئے جوبائیڈن کا کہنا تھا کہ سعودی عرب کے دورے کا مقصد سعودی عرب سےتعلقات کی ازسرنو بحالی ہے۔
خیال رہےکہ جو بائیڈن کا بطور امریکی صدر مشرق وسطیٰ کا یہ پہلا دورہ ہے۔
مشرق وسطیٰ کے دورے کے پہلے مرحلے میں امریکی صدر گزشتہ روز اسرائیل پہنچے تھے۔
Advertisement
یہ بھی پڑھیں: اسرائیل فلسطین تنازعہ، واحد راستہ دو ریاستی حل ہے، جوبائیڈن
مقبوضہ بیت المقدس میں اسرائیلی وزیر اعظم کے ساتھ مشترکہ پریس کانفرنس کرتے ہوئے امریکی صدر جو بائیڈن نے کہا تھا کہ ایران کو جوہری ہتھیاروں کے حصول سے روکنے کا بہترین راستہ سفارتکاری ہے لیکن جوہری مذاکرات پر ایران کے ردعمل کا ہمیشہ کے لیے انتظار نہیں کریں گے۔
امریکی صدر جوبائیڈن نے یہ بھی کہا تھا کہ اسرائیل فلسطین تنازعے کا واحد حل دو ریاستی حل ہے۔