آسٹریلوی کھلاڑی نیتھن لیون نے شادی کرلی

By admin On جولائی 26, 2022

آسٹریلوی کھلاڑی اور آف اسپنر نیتھن لیون نے اپنی دیرینہ گرل فرینڈ سے شادی کرلی ہے۔

آسٹریلوی آف اسپنر نیتھن لیون نے تصویر و ویڈیو شیئرنگ ایپ انسٹاگرام پر اپنی شادی کی تصویر شیئر کی ہے جس میں ان کے ہمراہ دلہن بھی موجود ہیں جو کہ ان کی دیرینہ گرل فرینڈ ہیں۔

اس تصویر کو شیئر کرتے ہوئے انہوں نے لکھا کہ ’مسٹر اینڈ مسز‘ جبکہ تصویر میں دیکھا جاسکتا ہے کہ دونوں نے شادی کے جوڑے زیب تن کیے ہوئے ہیں۔

نیتھن لیون سیاہ رنگ کے کوٹ پینٹ میں خوش دکھائی دے رہے ہیں جبکہ ان کی دلہن نے سفید لباس پہن رکھا ہے جس میں وہ خوبصورٹ دکھائی دے رہی ہیں۔

شادی کے موقع پر سوشل میڈیا صارفین اور ان کے ساتھی کرکٹرز کی جانب سے بھی انہیں مبارکباد دینے کا سلسلہ جاری ہے۔

واضح رہے کہ آسٹریلوی آف اسپنر 141 میچز میں اپنے ملک کی نمائندگی کرچکے ہیں جس میں 110 ٹیسٹ، 29 ون ڈے اور 2 ٹی ٹوئنٹی میچز شامل ہیں۔

انہوں نے ٹیسٹ میں 438 وکٹیں حاصل کی ہیں جبکہ ون ڈے میں 29 اور ٹی ٹوئنٹی میں صرف ایک وکٹ حاصل کی ہے۔

نیتھن لیون نے 31 اگست کو سری لنکا کے خلاف گال میں اپنا پہلا بین الاقوامی میچ کھیلا تھا جبکہ آخری میچ میں بھی وہ سری لنکا کے خلاف ہی رواں ماہ ایکشن میں نظر آئے تھے۔