پاکستان اور بھارت کے درمیان آسٹریلیا میں ایک تاریخی ٹیسٹ میچ کھیلنے کے لیے بات چیت جاری ہے۔
آسٹریلوی میڈیا کی رپورٹ میں دعویٰ کیا گیا ہے کہ پاکستان کرکٹ بورڈ اور بھارتی کرکٹ بورڈ کے درمیان ٹی ٹوئنٹی ورلڈکپ کے بعد ایک ٹیسٹ میچ یا ون ڈے ٹرائی سیریز کھیلے جانے کا امکان ہے۔
رپورٹ میں دعویٰ کیا گیا ہے کہ دونوں ٹیموں کے درمیان رواں ماہ میلبرن میں کھیلے گئے ٹی ٹوئنٹی ورلڈکپ کے میچ میں 90 ہزار شائقین کی شرکت کے بعد ایک تاریخی ٹیسٹ میچ کھیلے جانے کا امکان ہے۔
Advertisement
پاکستان اور بھارت کے درمیان آخری ٹیسٹ سیریز 15 سال قبل 2007 جبکہ وائٹ بال سیریز 10 سال قبل 2012 میں بھارت میں کھیلی گئی تھیں۔
اس کے بعد سے دونوں ٹیمیں صرف آئی سی سی میگاایونٹس یا ایشیا کپ میں ہی مد مقابل آئی ہیں۔
واضح رہے کہ رواں ٹی ٹوئنٹی ورلڈکپ میں بھارت نے سنسنی خیز مقابلے کے بعد پاکستان کو 4 وکٹوں سے شکست دی تھی۔