جاپان میں توانائی بحران نےشہریوں کو پریشان کردیا
جاپان میں حکومت نے ٹوکیو کے شہریوں سے فالتو لائٹیں بند کرنے کی درخواست کردی ہے۔
غیر ملکی خبر رساں ادارے کے مطابق جاپان کی وزارت تجارت اور صنعت کے حوالے سے بتایا کہ ملک میں توانائی کا بحران سنگین صورتحال اختیار کرگیا ہے۔
رپورٹ کے مطابق دارالحکومت ٹوکیو سمیت اطراف کے علاقوں میں 3 کروڑ70 لاکھ شہریوں کو ہدایت کی گئی ہے کہ غیرضروری لائٹیں بند کردیں تاہم گرمی سے بچنے کے لیے ایئرکنڈیشنرز چلاسکتے ہیں۔
وسطی ٹوکیو میں درجہ حرارت 35 ڈگری سینٹی گریڈ تک ریکارڈ کیا گیا جبکہ سیساکی شہر میں40.2 ڈگری سینٹی گریڈ رپورٹ ہوا ہے، ماہ جون میں اس سے قبل کبھی زیادہ گرمی رپورٹ نہیں ہوئی تھی۔
رپورٹ میں یہ بھی بتایا گیا ہے کہ ٹوکیو میں اضافہ بجلی بنانے کی صلاحیت میں 3.7 فیصد کمی رپورٹ ہوئی ہے جبکہ بجلی کے بحران پرقابو پانے کےلیے ٹوکیو کے شہریوں کو 3 گھنٹے تک اضافی لائٹیں بند کرنے کا کہا گیا ہے۔
Advertisement
رپورٹ میں مزید بتایا گیا ہے کہ اگر بجلی کی طلب میں اضافہ ہوا اور بجلی کی فراہمی میں تعطل آیا تو اضافی بجلی کی شرح تین فیصد سے کم ہوجائے گی جس سے مشکلات ہوسکتی ہیں۔