ایپل نے آئی فون 14 سیریز کو لانچ کیا جس کے بعد سے سوشل میڈیا صارفین اسے آئی فون 13 کی کاپی قرار دے رہے ہیں۔
آئی فون 14 کو لے کر سوشل میڈیا صارفین نے طرح طرح کی میمز بنانی شروع کردیں وہیں ایپل کے سابق سی ای او اسٹیو جابز کی بیٹی ایو جابز بھی پیچھے نہ رہیں۔
انہوں نے اپنے انسٹاگرام پر آئی فون 14 کے نئے فون کا مذاق اڑاتے ہوئے ایک میم شیئر کی جس میں ایک موٹا شخص اپنی نئی شرٹ دکھا رہا ہے لیکن یہ شرٹ بھی بلکل ویسی ہی ہے جیسی شرٹ اس نے پہلے ہی پہنی ہوئی ہے۔
ایو جابز نے اپنی پوسٹ پر شیئر کرتے ہوئے کیپشن میں لکھا کہ آج ایپل کی جانب سے آئی فون 14 کے لانچنگ کے اعلان کے بعد اپنا آئی فون 13 اپگریڈ کرتے ہوئےـ
Advertisement
نئے فون میں سیٹلائیٹ کے ذریعے ایمرجنسی میسیج بھیجنے کا فیچر شامل ہے جبکہ اس میں کریش ڈٹیکشن سمیت دیگر اہم فیچرز بھی شامل کیے ہیں۔
آئی فون 14 کی قیمت 799 ڈالرز اور آئی فون 14 پلس کی قیمت 899 ڈالرز مقرر کی گئی ہے، دونوں ہی ماڈل 9 ستمبر سے پری آرڈر پر دستیاب ہوں گے۔
Advertisement