بھارت اور انگلینڈ کے مابین جاری ٹیسٹ میچ کے دوران لائیو کمنٹری کے دوران کوہلی کے ڈانس پر سہواگ کے کمنٹ پرمداح طیش میں آ گئے۔
تفصیلات کے مطابق بھارت اور انگلینڈ کے درمیان ایجبسٹن گراؤنڈ میں کھیلا جا رہا ٹیسٹ میچ میں چوتھے دن کا کھیل ختم ہو چکا ہے، اور انگلینڈ کو جیتنے کے لئے 119 رنز درکار ہیں جبکہ اس کی 7 وکٹیں باقی ہیں۔
گزشتہ روز میچ کے تیسرے دن ویرات کوہلی کے مداحوں کو ایسا کچھ دیکھنے کو ملا جس کے بارے میں اس کے مداحوں نے کبھی سوچا بھی نہیں ہو گا۔
دراصل میچ کے تیسرے دن ہندی میں کمنٹری کر رہے سابق بھارتی بھارتی بلے باز وریندر سہواگ نے ویرات کوہلی کے بارے میں نازیبا تبصرہ کیا جو کوہلی کے فینس کو کافی گراں گزرا۔
اس نازیبا تبصرے پر سوشل میڈیا پر ویرات کوہلی کے مداحوں نے سہواگ کو کھری کھوٹی سنانا شروع کردیا ہے۔
انگلینڈ کی پہلی اننگز کے 62 ویں اوور میں محمد سراج نے میتھیو پوٹس کو آؤٹ کیا تو ویرات کوہلی نے ڈانس کرکے اس وکٹ کا جشن منانا شروع کردیا۔
Advertisement
اس وقت محمد کیف اور وریندر سہواگ کمنٹری کر رہے تھے۔ لائیو میچ میں کمنٹری کرتے ہوئے سہواگ نے کہا دیکھو چھمیا ناچ رہی ہے۔
وریندر سہواگ کے اس کمنٹ کا ویڈیو سوشل میڈیا پر کافی وائرل ہو رہا ہے۔ کوہلی پر اس طرح کے کمنٹس کو ان کے مداح ہضم نہیں کر پائے.
What is this commentary???? pic.twitter.com/nB8TzlYN1y
— riya (@reaadubey) July 3, 2022
ویرات کوہلی کے مداحوں نے سوشل میڈیا پر سہواگ کے خلاف محاذ کھول دیا اور انہیں کھری کھوٹی سنانا شروع کردیا۔
ایک ٹویٹر صارف نے لکھا کہ میری سمجھ سے باہر ہے کیوں سہواگ کو کمنٹری پینل میں رکھا گیا ہے.
Someone sack Sehwag from commentary. Guy said "chamiyan naach rhi hai” after watching Kohli dance after Broad’s wicket
— V X N S H (@sikeitzvxnsh) July 3, 2022
ایک اور صارف نے لکھا سہواگ کو پتہ نہیں ہے ، کیا اور کیسے بولنا چاہئے، ان کی کمنٹری کافی خراب ہے۔
سوشل میڈیا پر ویرات کوہلی کے ایک مداح نے لکھا کہ دن بہ دن ہندی کمنٹری کی سطح گرتی جارہی ہے۔
واضح رہے کہ اس سے پہلے بھی سہواگ نے ایجبسٹن ٹیسٹ کے تیسرے دن جانی بیئرسٹو کے خلاف سلیجنگ کرنے پر کوہلی پر طنز کسا تھا۔
انہوں نے اس حوالے سے ایک ٹویٹ کیا تھا، جس میں انہوں نے لکھا تھا کہ کوہلی کی سلیجنگ سے پہلے بیئرسٹو کا اسٹرائیک ریٹ 21 تھا، لیکن سلیجنگ کے بعد یہ 150 ہو گیا۔
وریندر سہواگ نے لکھا کہ بیئرسٹو پجارا کی طرح کھیل رہے تھے۔ کوہلی نے غیر ضروری طور پر سلیجنگ کرکے پنت بنوا دیا۔