مقبوضہ کشمیر میں کلاؤڈ برسٹ (بادل پھٹنے ) کے باعث بارش اور سیلاب کے نتیجے میں 15 افراد ہلاک اور 40 لاپتہ ہوگئے۔
بھارتی میڈیا کے مطابق یہ واقعہ امرناتھ مندر کے قریب شام ساڑھے 5 بجے بادل پھٹا، جس کے نتیجے میں امرناتھ مندر کے قریب یاتریوں کے خیمے تباہ ہوگئے ہیں۔
بھارتی میڈیا نے بتایا کہ صورتحال سے نمٹنے کے لیے امدادی ٹیمیں موقع پر پہنچ چکی ہیں اور امدادی کارروائیاں جاری ہیں۔
بھارت کی بارڈر پولیس کے ترجمان کا اس حوالے سے کہنا ہے کہ خطرے کے پیش نظر امرناتھ یاترا کے مذہبی تہوار کو وقتی طور پر روک دیا گیا ہے۔
حکام کا کہنا ہے کہ ایک اندازے کے مطابق جب بارش ہوئی تو 10 ہزارلوگ اس جگہ پر موجود تھے۔
Advertisement
ہندوؤں کا یہ مذہبی تہوار کورونا وائرس کی وجہ سے دو برس بعد 30 جون کو شروع ہوا تھا۔
بھارت کے وزیر اعظم نریندر مودی نے ہلاکتوں پر غم کا اظہار کرتے ہوئے ایک ٹویٹ میں کہا کہ متاثرین کو ہر ممکن مدد فراہم کی جا رہی ہے۔