آسٹریلیا کے لیجنڈ بیٹسمین گریگ چیپل نے ڈیوڈ وارنر پر لگی تاحیات کپتانی کی پابندی ختم کرنے کا مطالبہ کر دیا ہے۔
تفصیلات کے مطابق آسٹریلیا کے عظیم بلے باز گریگ چیپل نے ڈیوڈ وارنر پر تاحیات کپتانی کی پابندی ختم کرنے کا مطالبہ کرتے ہوئے کہا کہ اسٹار بلے باز میں کامیابی سے ٹیم کی قیادت کرنے کی صلاحیت ہے۔
واضح رہے کہ ڈیوڈ وارنر، سابق کپتان اسٹیو اسمتھ اور بلے باز کیمرون بینکرافٹ پر 2018 میں جنوبی افریقہ میں بال ٹیمپرنگ اسکینڈل میں ان کے کردار کی سزا کے طور پر ڈومیسٹک یا انٹرنیشنل کرکٹ کھیلنے پر پابندی عائد کردی گئی تھی۔
اس اسکینڈل پر وارنر اور اسمتھ پر ایک سال کی پابندی عائد کی گئی تھی جبکہ بینکرافٹ کو نو ماہ کے لیے معطل کر دیا گیا تھا۔
مزید برآں، اسمتھ کو کپتانی سے ہٹا دیا گیا اور دو سال کے لیے آسٹریلیا کی قیادت کرنے پر پابندی لگا دی گئی، جبکہ وارنر پر تاحیات قیادت کی پابندی عائد کر دی گئی۔
اس پابندی پر گریگ چیپل نے ایک اسپورٹس چینل کو انٹرویو دیتے ہوئے کہا کہ جو کچھ ہوا اس میں واضح طور پر اس کا مرکزی کردار تھا لیکن وہ اکیلا نہیں تھا۔
Advertisement
گریگ چیپل کا کہنا تھا کہ مجھے نہیں معلوم کہ اس کے ساتھ مختلف سلوک کیوں کیا جانا چاہئے.
ایک سوال کے جواب میں گریگ چیپل نے کہا کہ وارنر نے اپنی سزا بھگت لی ہے، وہ ٹیم میں ایک اچھا لیڈر ہے اور اس میں کوئی شک نہیں کہ اگر اسے موقع ملتا تو مجھے یقین ہے کہ وہ ٹیم کی اچھی کپتانی کرتے۔
چیپل نے مزید کہا کہ مجھے لگتا ہے کہ اس نے اپنا جرمانہ ادا کر دیا ہے اور اب وقت آگیا ہے کہ اسے قائدانہ کرداروں کے لیے کھول دیا جائے.
یاد رہے کہ اس واقعے کے بعد ہونے والی کرکٹ آسٹریلیا کی تحقیقات کے مطابق، جب کہ اسمتھ اور بینکرافٹ کو معلوم تھا کہ وہ کیا کر رہے ہیں۔
کرکٹ آسٹریلیا کی تحقیقات کے مطابق یہ وارنر ہی تھے جنہوں نے گیند کی حالت کو مصنوعی طور پر تبدیل کرنے کی کوشش کرنے کا منصوبہ تیار کیا تھا۔
سابق کپتان ایان چیپل نے بھی سوال کیا تھا کہ جب وارنر نہیں ہیں تو سمتھ دوبارہ آسٹریلیا کی کپتانی کے اہل کیوں ہیں۔
گزشتہ ماہ ٹیسٹ کپتان پیٹ کمنز نے وارنر پر تاحیات پابندی ختم کرنے کا مطالبہ کیا تھا۔
پیٹ کمنز نے وارنر کی حمایت کرتے ہوئے کہا کہ وہ بنیادی طور پر کسی پر تاحیات پابندی لگانے سے متفق نہیں ہیں۔
تاہم، کرکٹ آسٹریلیا کے چیف ایگزیکٹیو نک ہاکلے نے گزشتہ ہفتے کہا تھا کہ اگرچہ وارنر ٹیم میں ایک شاندار لیڈر تھے لیکن پابندی کو ہٹانے کا کوئی منصوبہ زیر غور نہیں ہے۔