ہانگ کانگ نے ایشیاکپ 2022 کے لیے کوالیفائی کرلیا
ہانگ کانگ نے متحدہ عرب امارات کو شکست دے کر ایشیاکپ 2022 کے لیے کوالیفائی کرلیا ہے۔
عمان میں ہانگ کانگ اور متحدہ عرب امارات کی ٹیموں کے درمیان ایشیاکپ 2022 کے لیے کوالیفائنگ میچ کھیلا گیا جس میں ہانگ کانگ نے کامیابی اپنے نام کی۔
متحدہ عرب امارات کی ٹیم نے پہلے کھیلتے ہوئے 19.3 اوورز میں 147 رنز بنائے جس کے جواب میں ہانگ کانگ نے جارحانہ کھیل کا مظاہرہ کیا اور صرف 2 وکٹوں کے نقصان پر 19 ویں اوور میں ہدف مکمل کرلیا۔
کوالیفائنگ راؤنڈ میں جیت کے ساتھ ہی ہانگ کانگ نے براہ راست ایشیاکپ 2022 کے لیے کوالئیفائی کیا جب کہ انہوں نے کوالیفائنگ راؤنڈ کے تینوں میچز اپنے نام کیے۔
کولیفائنگ راؤنڈ میں کویت کی ٹیم دو میچز جیت کر 4 پوائنٹس کے ساتھ دوسرے نمبر پر رہی جب کہ متحدہ عرب امارات کی ٹیم چوتھے نمبر پر رہی۔
Advertisement
واضح رہے کہ کانگ کانگ کی ٹیم کا ایشیا کپ 2022 میں پہلا مقابلہ 31 اگست کو بھارت کے خلاف ہوگا جب کہ 2 ستمبر کو پاکستان سے مقابلہ کرے گی۔
Advertisement