سہ فریقی سیریز کی چمچماتی ٹرافی کی رونمائی کردی گئی

By admin On اکتوبر 5, 2022

کرائسٹ چرچ: پاکستان، نیوزی لینڈ اور بنگلادیش کے درمیان سہ فریقی سیریز کا آغاز 7 اکتوبر سے ہونے جارہا ہے جس کی آج چمچماتی ٹرافی کی رونمائی کردی گئی ہے۔

پاکستان، بنگلادیش اور میزبان ٹیم نیوزی لینڈ کے درمیان سہ فریقی سیریز کا آغاز بروز جمعہ 7 اکتوبر سے ہوگا جس کا افتتاحی میچ پاکستان اور بنگلادیش کی ٹیموں کے درمیان کھیلا جائے گا۔

سہ فریقی سیریز کے میچز کرائسٹ چرچ میں کھیلے جائیں گے جو کہ 14 اکتوبر تک جاری رہیں گے۔

سہ فریقی سیریز کا دوسرا میچ 8 اکتوبر کو پاکستان اور نیوزی لینڈ کے درمیان ہوگا جب کہ 9 اکتوبر کو نیوزی لینڈ اور بنگلادیش کی ٹیمیں مدمقابل ہوں گی۔

چوتھا میچ 11 اکتوبر کو نیوزی لینڈ اور پاکستان کے درمیان ہوگا جب کہ پانچواں میچ نیوزی لینڈ اور بنگلادیش اور چھٹا میچ پاکستان اور بنگلادیش کے درمیان کھیلا جائے گا۔ سہ فریقی سیریز کا فائنل 14 اکتوبر کو ہوگا۔

سہ فریقی سیریز کی ٹرافی کی رونمائی آج کردی گئی ہے جب کہ نقاب کشائی میں ٹیموں کے کپتانوں نے شرکت کی۔

ٹرافی کے ساتھ کپتان بابر اعظم اور بنگلایش کے کپتان نورالحسن جب کہ میزبان ٹیم کے کپتان کین ولیمسن نے تصاویر بنوائیں۔

تینوں کپتانوں نے ٹرافی کے ساتھ تصاویر کرائسٹ چرچ کے مختلف مقامات پر بنوائیں جب کہ ان تصاویر کو پاکستان کرکٹ بورڈ کے آفیشل ٹوئٹر اکاؤنٹ سے بھی شیئر کیا گیا۔

Trophy unveiled

The series kicks off on Friday with the match between Pakistan and Bangladesh #NZTriSeries | #BackTheBoysInGreen pic.twitter.com/Jggf4F88ge

— Pakistan Cricket (@TheRealPCB) October 5, 2022

واضح رہے کہ سہ فریقی سیریز میں شرکت کے لیے قومی ٹیم گذشتہ روز نیوزی لینڈ پہنچی تھی جن میں 16 کھلاڑی اور 13 سپورٹ اسٹاف شامل تھے۔

Christchurch

The Pakistan squad has arrived in New Zealand for the T20I tri-series #BackTheBoysInGreen pic.twitter.com/i8RhfsHX56

— Pakistan Cricket (@TheRealPCB) October 4, 2022

قومی اسکواڈ میں شامل کھلاڑی آج ایک روز آرام کے بعد کل سے ٹریننگ کا آغاز کریں گے۔