عمران خان نے حارث رؤف کو بہترین بولر قرار دے دیا

By admin On اکتوبر 9, 2022

1992 کا ورلڈ کپ جیتنے والی ٹیم کے کپتان اور سابق وزیر اعظم عمران خان نے فاسٹ بولر حارث رؤف کی تعریف کرتے ہوئے انہیں ’بہترین بولر‘ قرار دیا ہے۔

پاکستان کرکٹ ٹیم کے سابق کپتان اور سابق وزیر اعظم عمران خان کے ہیلی کاپٹر نے بنی گالہ جاتے ہوئے اڈیالہ گاؤں میں ہنگامی لینڈنگ کی جب کہ اس موقع پر ان کی گاؤں کے بچوں اور بڑوں کے ساتھ گپ شپ کی ایک ویڈیو وائرل ہورہی ہے۔

Imran Khan talking to children in Dera Ismail Khan and asking them about their favorite cricketer in the current team.
Imran Khan says that Haris Rauf is the best bowler. pic.twitter.com/nqFajGqBDK

— A L L A H Y A R (@AllahYar56) October 8, 2022

اس سوال کا جواب دیتے ہوئے عمران خان کا کہنا تھا کہ ’انہوں نے بہت سے نئے بچوں کو کھیلتے ہوئے نہیں دیکھا لیکن انہوں نے شاہین شاہ آفریدی اور حارث رؤف کی تعریف کی‘۔

سابق وزیر اعظم نے حارث رؤف کو بہترین بولر قرار دیتے ہوئے ان کی تیز بولنگ کی بھی تعریف کی جب کہ اس موقع پر ہجوم میں موجود ایک شخص نے وکٹ کیپر و بیٹر محمد رضوان کی سست بیٹنگ کی ان سے شکایت کی۔

واضح رہے کہ گھٹنے کی انجری سے صحت یاب ہونے والے شاہین آفریدی کی غیر موجودگی میں حارث رؤف نے حالیہ دنوں میں پاکستان کے لیے غیر معمولی کارکردگی کا مظاہرہ کیا ہے۔

یہ بھی پڑھیں: تازہ ترین ٹی ٹوئنٹی رینکنگ، حارث رؤف کی ترقی

28 سالہ نوجوان کو ابھی اپنا ٹیسٹ ڈیبیو کرنا ہے لیکن وہ وائٹ بال کرکٹ میں بہترین بولروں میں سے ایک ہیں۔ ون ڈے اور ٹی ٹوئنٹی میں بالترتیب انہوں نے 27 اور 62 وکٹیں حاصل کیں ہیں۔