متحدہ عرب امارات کا ویزا حاصل کرنے کے خواہشمند افراد کے لیے خوشخبری
متحدہ عرب امارات کا ویزا حاصل کرنے کے خواہشمند افراد اب بغیر کسی اسپانسر کے بھی ویزا حاصل کرسکتے ہیں۔
غیر ملکی خبر رساں ادارے کے مطابق اب بغیر اسپانسر کے بھی متحدہ عرب امارات کا ویزا حاصل کیا جاسکتا ہے جس کے لیے امارات حکومت نے 3 اکتوبر 2022 کو اپنا ویزا سسٹم کو اپڈیٹ کرتے ہوئے نئی ویزا کیٹیگری متعارف کروائی ہیں۔
اب آپ گولڈن ویزا، رہائشی ویزا، گرین ویزا اور پانچ سالہ سیاحتی ویزا بغیر کسی اسپانسر کے حاصل کرسکتے ہیں جب کہ وزٹ ویزا کی تین کیٹیگریز بھی متعارف کروائی گئی ہیں جس میں آپ بغیر اسپانسر کے وزٹ ویزا حاصل کرسکتے ہیں۔
Advertisement
گولڈن ویزا اور رہائشی ویزا
گولڈن ویزا ایک 10 سالہ رہائشی ویزا ہے جو سرمایہ کار، کاروباری افراد، غیر معمولی ہنر، سائنسدان، پیشہ ور افراد اور طلباء سمیت انسانی ہمدردی کے علمبردار اور فرنٹ لائن ہیروز کو دیا جاتا ہے جب کہ رہائشی ویزے کے لیے کوئی بھی درخواست دے سکتا ہے۔
گرین ویزا
اگر ہم گرین ویزا کی بات کریں تو یہ 5 سالہ ویزا فری لانسرز، ہنر مند ملازمین ، سرمایہ کار اور شراکت دار کے لیے دستیاب ہے۔
پانچ سالہ سیاحتی ویزا
اس ویزے کو حاصل کرنے کے خواہشمند افراد کو متحدہ عرب امارات میں ہیلتھ انشورنس کی ایک کاپی کے ساتھ اپنے بینک اسٹیٹمنٹ کی ایک کاپی فراہم کرنے کی ضرورت ہے جس میں کم از کم 4 ہزار امریکی ڈالر یا اس کے مساوی غیر ملکی کرنسی موجود ہو۔
وزٹ ویزے
وزٹ ویزا حاصل کرنے کے خواہشمند افراد تین کیٹیگریز میں درخواست دے سکتے ہیں جس میں پہلا نمبر دوستوں اور رشتہ داروں سے ملنے کے لیے ویزا جب کہ جب کہ دوسری کیٹیگری میں آپ نوکری تلاش کرنے کے لیے دو، تین یا چار ماہ کے ویزے کی درخواست دے سکتے ہیں۔
علاوہ ازیں تیسری کیٹیگری میں آپ کاروباری مواقع تلاش کرنے کے لیے بھی بغیر کسی اسپانسر یا کمپنی کے ویزا حاصل کرسکتے ہیں۔