ٹی ٹوئنٹی ورلڈکپ؛ بنگلہ دیش نے سنسنی خیز مقابلے کے بعد زمبابوے کو شکست دیدی

84

ٹی ٹوئنٹی ورلڈکپ میں سپر 12 مرحلے میں بنگلہ دیش نے سنسنی خیز مقابلے کے بعد زمبابوے کو 3 رنز سے شکست دیدی۔

آئی سی سی ٹی ٹوئنٹی ورلڈ کپ میں بنگلادیش اور زمبابوے کے میچ میں بنگال ٹائیگرز کو 3 رنز سے فتح حاصل ہوئی۔ آخری گیند پر زمبابوے کو جیت کے لیے 5 رنز درکار تھے لیکن بنگلادیشی بولر نے ڈاٹ بال کروائی جس کی وجہ سے زمبابوے کو کوئی رن نہیں مل سکا اوربنگلادیشی کھلاڑی جیت کا جشن مناتے ہوئے پویلین کی جانب بڑھ گئے۔

تاہم امپائر نے نو بال کا اشارہ کرکے تمام کھلاڑیوں کو واپس گراؤنڈ میں بلانے کا اشارہ کیا اور یوں زمبابوے کو اب جیت کے لیے آخری گیند پر 4 رنز درکار تھے جو وہ دوسری کوشش میں بھی نہیں بناسکے اور یوں بنگلادیش کو ڈرامائی صورتحال کے بعد میچ میں فتح حاصل ہوئی۔

Advertisement

اس سے قبل برسبین میں کھیلے گئے میچ میں بنگلہ دیشی کپتان نے ٹاس جیت کر پہلے بیٹنگ کرنے کا فیصلہ کیا۔ بنگلادیش نے مقررہ 20 اوورز میں 7 وکٹوں کے نقصان پر 150 رنز بنائے۔

بنگال ٹائیگرز کے اوپنر نجم الحسن شنٹو نے 71 رنز کی اننگز کھیلی۔ کپتان شکیب الحسن ایک بار پھر بڑی اننگز کھیلنے میں ناکام رہے انہوں نے 23 رنز اسکور کیے جبکہ دیگر کھلاڑیوں میں سومیا سرکار صفر، لٹن داس 14، عفیف حسین 29 اور مصدق حسین 7 رنز بناکر نمایاں رہے۔

زمبابوے کی جانب سے رچرڈ نگروا اور بلیسنگ مزاربانی نے دو دو جبکہ سکندر رضا اور شان ولیمز ایک ایک وکٹ حاصل کرسکے۔

ہدف کے تعاقب میں زمبابوے کا آغاز اچھا نہ تھا تاہم شان ولیمز کی شاندار اننگز کی بدولت افریقی ٹیم نے بنگال ٹائیگرز کو ٹف ٹائم دیا، ولیمز نے 64 رنز کی اننگز کھیلی وہ شکیب الحسن ہاتھوں رن آؤٹ ہوئے۔

بنگلہ دیش کی جانب سے تسکین احمد نے 2 جب کہ مصدق حسین اور مستفیض الرحمان نے ایک ایک وکٹ حاصل کی۔

واضح رہے کہ اس سے قبل ٹورنامنٹ میں کئی میچز ایسے تھے جس کا فیصلہ آخری گیند پر ہوا، ان میں پاکستان اور بھارت سمیت پاکستان اور زمبابوے کامیچ شامل ہے۔

جواب چھوڑیں

آپ کا ای میل ایڈریس شائع نہیں کیا جائے گا.

@media print { body { color: inherit; /* Ensures that the color is maintained */ } }