پاکستان کرکٹ ٹیم کی بولنگ اسکواڈ کے اہم ممبر شاہین شاہ آفریدی انجری کے باعث انگلینڈ اور نیوزی لینڈ کی سیریز سے باہر ہوگئے ہیں۔
تفصیلات کے مطابق شاہین شاہ آفریدی ٹی ٹوئنٹی ورلڈ کپ کے فائنل میں کیچ لیتے ہوئے انجری کا شکار ہو گئے تھے، پی سی بی نے انہیں انگلینڈ اور نیوزی لینڈ کے خلاف ہوم سیریز میں آرام دینے کا فیصلہ کیا ہے۔
واضح رہے کہ شاہین شاہ آفریدی کا آج اپنڈکس کا بھی آپریشن ہوا ہے، فاسٹ بولر نے اپنے ایک ٹوئٹ میں لکھا ہے کہ الحمد اللہ بہتر محسوس کر رہا ہوں اور مجھے اپنی دعاؤں میں یاد رکھنا۔
Had an appendectomy today but Alhumdulillah feeling better. Remember me in your prayers. 🤲 pic.twitter.com/M70HWwl9Cn
Advertisement
— Shaheen Shah Afridi (@iShaheenAfridi) November 20, 2022
پاکستان کرکٹ بورڈ نے کہا ہے کہ ڈاکٹرز نے شاہین شاہ آفریدی کو تین سے چار ہفتوں کے آرام کا مشورہ دیا گیا ہے۔
یاد رہے کہ شاہین شاہ آفریدی ٹی ٹوئنٹی ورلڈ کپ کے فائنل میں کیچ لینے کے دوران گھٹنے کی انجری کا بھی شکار ہو گئے تھے۔
رپورٹس کے مطابق شاہین شاہ آفریدی چار ہفتے کے آرام کے بعد ری ہیب شروع کریں گے، جس کی وجہ سے وہ انگلینڈ اور نیوزی لینڈ کے خلاف ہوم ٹیسٹ سیریز میں میدان میں نظر نہیں آئیں گے۔
Advertisement