جرمن سفیر الفریڈ گرانس کا کہنا ہے کہ چونکہ فیفا ورلڈکپ میں استعمال ہونے والی گیند سیالکوٹ کی ہے اس لیے ورلڈکپ کا ہر گول ، پاکستان کا گول ہے۔
قطر میں فیفا ورلڈ کپ 2022 کے مقابلے جاری ہیں جہاں گزشتہ روز جاپان نے 4 بار کی عالمی چیمپئن جرمنی کو اپ سیٹ شکست دی۔ اس سے قبل سعودی عرب بھی فیورٹ ٹیم ارجنٹینا کو اپ سیٹ شکست دے چکا ہے۔
جرمنی کے میچ سے پہلے پاکستان میں جرمنی کے سفیر الفریڈ گرانس بھی انتہائی پرجوش دکھائی دیے اور سوشل میڈیا پر اپنی ایک ویڈیو بھی شیئر کی۔
یہ بھی پڑھیں: ابتدائی چار روز میں دوسری بڑی اپ سیٹ شکست
ٹوئٹر پر اپ لوڈ کی گئی ویڈیو میں جرمن سفیر الفریڈ گرانس نے کہا کہ جیسا کہ آپ جانتے ہیں جرمنی کے لیے فٹبال ورلڈکپ کا آغاز آج سے ہورہا ہے، ایسے میں مطمئن ہوں کہ ہم زیادہ سے زیادہ گول کریں گے اور یہ ورلڈکپ جیتیں گے۔
Advertisement
جرمن سفیر کا کہنا تھا کہ فیفا ورلڈکپ میں گول کوئی بھی کرے لیکن ایک بات اہم ہے کہ ورلڈکپ کا ہر گول پاکستان کا گول ہوگا کیوں کہ فیفا میں استعمال ہونے والا فٹبال پاکستان کے شہر سیالکوٹ سے آتا ہے۔
Advertisement